KASETE YA POROFENSE YEO E SEGO YA MEHLENG
Boleng bja thekišo R2,50
Dinaga tše dingwe R3,25
Re na le matla ka moka ga rena go thibela AIDS
AIDS e re ama ka moka Ke ntwa ye mpsha
MOGALA WA THUŠO WA AIDS
KGORO YA MAPHELO
Thibelo ke yona kalafo
KANTORO YA LETONA
Go tsebišwa fa gore Letona le dumetše Molao wo o latelago wo ka gona o tsebagatšwago tshedimošong ya kakaretšo:
Nomoro ya 8 ya 2001: Molao wa Gauteng wa Ditlabelotirišwa tša Dinamelwa , 2001
MOLAO
Go hlakantšha melao yeo e lego mabapi le ditsela le mehuta ye mengwe ya ditlabelotirišwa tša dinamelwa mo Gauteng; le go kgontšha peakanyo, tšweletšo, kago, tefelo, taolotshepetšo, taolo, tlhokomelo, tšhireletšo le tokišo ya ditsela tša porofense, diporo tša ditimela le ditlabelotirišwa tše dingwe tša dinamelwa mo Gauteng; le go kgontšha merero yeo e lego mabapi le seo.
Kgatišo ya Seisemane e saenilwe ke Tona
O bewa ke Tlhakamelao ya Porofense ya Gauteng, ka mokgwa wo o latelago:
PEAKANYO YA MOLAO
SERIPA SA 1: DIKGONTŠHI TŠA MATSENO
Ditlhalošo
Bophara bjo bo amogelegago bja ditsela tša porofense, seporo le ditsela tša phihlelelo
SERIPA SA 2: PULO YA DITSELA LE SEBOPEGOTHALWA SA MATHOMO SA DITSELA TŠA POROFENSE LE SEPORO
Tiragatšo ya Seripa se
Magato a pulo ya ditsela le sebopegothalwa sa ditsela tša porofense le seporo
Pulo ya ditsela
Magato a tshepetšotaolo mabapi le ditsela
Sebopego sa mathomo
Magato a tshepetšotaelo mabapi le sebopego sa mathomo seo se dumelelegago
Peakanyo ya ditsela yeo e lego gona le sebopego sa mathomo sa ditsela tša porofense le diporo tša ka moso
Tsebagatšo ya ditsela le diporo tša porofense
Koketšo le phokotšo ya mafelo ao a thibetšwego kago
Tsebagatšo ya ditsela tša phihlelelo
Tumelelo ya tsebagatšo go dithaetleletiti
Botšeakarolo bja setšhaba
Phumulo ya ditsela, diporo le ditsela tša phihlelelo tša porofense
Tswalelo ya ditsela tša porofense go dinamelwa
Tsebagatšo ya ditsela diporo le ditsela tša phihlelelo tša porofense
Tšewo goba ditokelo tša lefelo
Go tsena goba go tŠea lefelo
Go hwetša materiale
Go thuba le go tšwa ka moagong goba dihlangwa
Ditsebišo tša tsebagatšo ya ditsela le ditsebišo tša tšewo
Go fetetša pele bong bja lefelo mo lefelo le tšerwego
Mešomo ya mong wa lefelo leo le tšerwego
Tefelo ye tšhelete yeo e šišintšwego bjalo ka hlatswadiatla
Motheo wo ka wona hlatswadiatla e tla bewago ka wona
Khirišo le ditokelo tšeo di sego tša ngwadišwa tša bašomi le badudi mo lefelong
Ditaelo tša ditshenyegelo
Tiragatšo ya kgopelo ya kgorotsheko goba tshekoleswa
Ditlamo (bonds) le ditokelo tšeo di sa ngwadišwago
Tefelo ya metšhelo ya masepala
Phedišo ya ditokelo tšeo di sego tša ngwadišwa ka tšewo
SERIPA SA 4: MEDIRO YEO E LEGO MABAPI LE DITLABELOTIRIŠWA TŠA DINAMELWA
Tswalelo ya ditsela tša porofense ka kgopelo
Magora, difero bjalo bjalo
Kelelo ya meetse
Tsenelelo ya ditsela le ditsejana ka go ditsela tša porofense
Go tsena le go tšwa go ditsela le diporo tša porofense
Dipapatšo tšeo di bonagalago mo ditseleng le diporo tša porofense
Dinamelwa tšeo di sa šomego, ditšhila bjalo bjalo mo go goba kgauswi le ditsela le diporo tša porofense
Dihlangwa goba mošomo wo mongwe mo go,godimo ga, goba ka tlase ga ditsela le diporo tša porofense goba lefelong le lengwe
Go rekiša mo ditseleng le diporong tša porofense goba mo mafelong ao a thibetšwego kago
Mediro ya go epa mo go goba ka tlase ga ditsela le diporo tša porofense goba mo mafelong ao a thibetšwego kago
Dikwano le Bolaodi bjo bo ngwe goba batho
SERIPA SA 6: DIKGONTŠHI KA KAKARETŠO
Dikganetšo ka kakaretšo
Melato le dikotlo
Melawana
Phokotšo ya ditshenyegelo
Thomotšhomo, dikontraka tša ka tlase ga tše dingwe le makalatiro
Tiragatšo ya molao
Dikgontšhi tša lebaka la magareng
Phumulo ya melao
Molao wo o tlama Mmušo
Hlogo ye kopana le tiragatšo
SERIPA SA 1: DIKGONTŠHI TŠA MATSENO
Mo molaong wo, ntle le ge go sa sepelelane le tlhalošo -
i "tsela ya phihlelelo" e ra tsela ya phihlelelo yeo e hlalošwago ka go karolo ya 13:
ii "papatšo" e ra kemedi e fe goba e fe ya lentšu, leina, leletere, seswantšho, selo, mmaraka goba kemedi ya kopafatšo ya lentšu goba leina, goba ya kopanyo ya dilo tšeo di fetišago tshedimošo goba di lemoša selo sengwe, mme e akaretša poroto goba selo seo mehleng se šomišetšwago mabaka a swanago le ao, le ge tshedimošo thwii e sa sepetšwe ka sona, fela go sa akaretšwe leswao la dinamelwa;
iii "leporogo" le akaretša letšibogwana, tsela ya meetse le leporogo la basepela ka dinao;
iv "lefelo leo le thibelwago kago" e ra go ya ka karolo ya 12, lefelo la naga fela le sa akaretše naga ya lefelo la motsesetoropo -
a leo le bapago le tsela ya porofense goba seporo bokgauswi bja dimitara tše 95 go tloga mothalading wa gare wa tsela goba lefelo la seporo seo se amegago; goba b leo le lego bokgauswi bja dimitara tše 500 go tloga lefelong la kopano ya tsela ya porofense le tsela ye nngwe e fe goba e fe goba tsela ya porofense le seporo;
v "Molaotheo" e ra Molaotheo wa Repapoliki ya Afrika Borwa, 1996 Molao wa Nomoro ya 108 wa 1996;
vi "aga" goba "kago" e akaretša peakanyo, sebopego, tshenko surveying, go thala, go tloša dihlare, go epa, go hlama le go dira ditlabelotirišwa tša dinamelwa le kago ya leporogo goba moela go thuša tsela goba seporo goba tsela yeo e akantšwego le seporo seo se akantšwego, maswao ka moka le dithalwa le mekgwa yeo e swanetšego, dikepo, mahlakore a tsela, ditsela tša ka tlase, diforo, kelelatšhila, dikarogo, maporogo a go kala morwalo, le diteišene tše dingwe tša taolo, magora, parapetse, thibelo goba mešomo ya kelelo ya meetse ka gare goba ka ntle ga tsela goba seporo, goba mešomo ye mengwe go tše dingwe tšeo di dirago karolo ya goba tšeo di golaganego le goba di le mabapi le ditlabelotirišwa tšeo tša dinamelwa; mme e akaretša go tšwela pele le phetogo, karošo, kgodišo, tokišo goba kaonafatšo ya ditlabelotirišwa tšeo tša dinamelwa;
vii "letšatši la tšewo" e ra letšatši leo ka lona bong bja lefelo leo le tšerwgo bo tla fetetšwago ka go Porofense ka lebaka la tšewo ka tlase ga karolo ya 19, bjalo ka ge go hlalošwa ka go tsebišo ya tšewo go ya ka karolo ya 231;
viii "Kgoro" e ra Kgoro ka go Mmušo wa Porofense ya Gauteng yeo e nago le maikarabelo a ditsela tša porofense;
ix "ECA" e ra Molao wa Polokego ya Tikologo, 1989 Molao wa Nomoro ya 73 wa 989;
x "mojalefa" e ra motho yo a nago le tokelo ya go ba mojalefa wa lefelo morago ga lehu la mong wa lefelo yo a ngwadišitšwego yo ditokelo tša gagwe di hlalošwago ke molao wa tlwaelo common law xi "bojalefa" e ra tokelo ya bojalefa morago ga lehu la mong wa lefelo yo a ngwadišitšwego yo ditokelo tša gagwe di hlalošwago ke molao wa tlwaelo common law xii "tsela ya lephefo" e ra tsela goba karolo ya tsela yeo e beetšwego go ba ya lephefo ke Molekgotla Phethiši go ya ka karolo ya 116, goba yeo e swanetšego go ba tsela ya lephefo ka tlase ga karolo ya 117;
xiii "mahlakore ao a nago le kgahlego le mahlakore ao a amegago" e akaretša motho o fe goba o fe goba institšušene bao ditokelo goba dikgahlego tša bona di ka amegago ka lebaka la mediro goba sephetho seo;
xiv "mohiri" e akaretša mohiri yo a šomago bjalo ka ge go hlalošwa ka go Molao wa Tokišophetogo ya Naga Bahiri ka Mošomo, 1996 Molao wa Nomoro ya 3 wa 1996 le mohiri ka go mohiri yo mongwe ka mokgwa wa kontraka yeo e ngwetšwego ya khiro ka go mohiri yo mongwe;
xv "go hlokomela" goba "tlhokomelo" e akaretša tlhokomelo ye botse ya ditlabelotirišwa tša dinamelwa, ga mmogo le maporogo, ditsenela, meela mo lefelong la kgauswi le tsela , maswao ka moka a tsela le a dimanelwa, ditšhupo, ditlabelo tša taolo ya dinamelwa le dithalwala, dikepo, mahlakore a tsela, ditsela tša ka tlase, diforo, kelelatšhila, dikarogo, maporogo a go kala morwalo, le diteišene tše dingwe tša taolo, magora, parapetse, thibelo goba mešomo ya kelelo ya meetse ka gare goba ka ntle ga ditlabelotirišwa, goba mešomo ye mengwe yeo e dirago karolo ya goba yeo e golaganego le goba e le mabapi le ditlabelotirišwa tšeo;
xvi "Molekgotla Phethiši" e ra Leloko la Khansele ya Khuduthamaga ya Porofense yeo e hlalošwago ka go karolo ya 132 ya Molaotheo yo a nago le maikarabelo a ditsela tša porofense;
xvii "masepala" e ra masepala ka mo go hlalošwago ka go karolo ya 1556 ya Molaotheo, mme e akaretša magoro ka moka a mebasepala;
xviii "tsela ya masepala" goba "mmila wa masepala" e ra tsela ka tlase ga taolo ya masepala go ya ka karolo ya 63 ya Otinense ya Mmušo wa Selegae [Transefala], 1939 Otinense ya Nomoro ya 17 ya 1939, karolo ya 841f ya Mmušo wa Selegae: Molao wa Dihlangwa tša Masepala, 1998 Molao wa Nomoro ya 117 waa 1998, goba molao wo mongwe o fe goba o fe;
xviii "NEMA" e ra Molao wa Bosetšhaba wa Taolo ya Tikologo, 1998 Molao wa Nomoro ya 107 wa 1998;
xix "modudi" e ra motho yo a dutšego lefelong la motho yo mongwe mme go tloga ka la 4 Fepereware 1997 le ka morago ga fao, a hweditšego tumelelo goba tokelo e fe goba e fe ya molao go dula fao, fela seo se sa akaretše -
a mohiri ka mošomo yo a hlalošitšwego ka go Molao wa Tokišophetogo ya Naga Bahiri ka Mošomo, 1996 Molao wa Nomoro ya 3 wa 1996;
b motho yo a šomiŠago goba a ikemišeditše go šomiša lefelo leo le amegago go diragatša mabaka a intaseteri, moepo, kgwebo goba temo ya kgwebo, go akaretšwa motho yo a šomago lefelo ka boyena a sa thwale motho o fe goba o fe yo e lego leloko la lapa; le c motho yo a hwetšago moputso wo o fetago tšhelete yeo e beilwego;
xx "mong" e ra go ya ka tokelo ya lefelo goba tokelo yeo e ngwadišitšwego, motho yo lefelo goba tokelo di ngwadišitšwego ka leina la gagwe, mme e akaretša –
a ge e le gore mong o hlokofetše, mohlokomedi executor wa thoto ya mohu;
b ge e le gore dithoto tša mong di tšerwe ke ba dikoloto, moterasete wa thoto yeo e jelwego ke dikoloto;
c ge e le gore mong ke khamphani goba motho yo mongwe wa molao;
d ge e le gore mong ke khamphani goba motho yo mongwe wa molao yo a swerwego, lekhwiteita ya lefelo;
e ge le gore mong ke segole sa semolao, moemedi wa molao wa mong;
f moemedi yo a dumeletšwego wa mong; goba g ge e le tsela goba lefelo la setšhaba leo le lego ka tlase ga taolo ya masepala, masepala yoo;
xxi "sebopego sa mathomo" e ra sebopego sa seteginiki sa maemo a bogodimo le bophara bja tsela ya porofense le seporo go akaretšwa ditsela tša phihlelelo, ka maikemišetšo a go hlama mellwane ya tsela goba lefelo la seporo go ya ka mahlakore co-ordinates le go ya ka mellwane ya kataseterale le tatha le "peakanyo ya motheo" e na le tlhalošo yeo e sepelelanago le seo;
xxiv "tsela ya porofense" e ra lefelo la tsela e fe goba e fe ka botlalo yeo e tsebagaditšwego goba leo le beetšwego bjalo go šomišwa ke setšhaba ka kakaretšo ka tlase ga Molao wo goba ka tlase ga molao wo o phumutšwego ke Molao wo go ya ka karolo ya 60, mme go akaretša karošo ya tsela, fela go sa akaretšwe -
a ditsela tša phihlelelo, le b ditsela tšeo di welago ka tlase ga bolaodi bja masepala go ya ka Molao wo goba molao wo mongwe o fe goba o fe;
xxv "lefelo la seporo" e ra bophara ka botlalo bja seporo bjalo ka ge le tsebagaditšwe goba le tšerwe, go akaretšwa diteišene le ditšhupo le ditlabelo tša botšhantelane, le ditlabelo tše dingwe tša mabapi le seo go akaretšwa le ditlabelo tša thekišo;
xxvi "seporo" e ra tokelo ya go šomiša tsela ke ditimela tša morwalo wo boima le wo bofefo tšeo di tsebagaditšwego, di beeetšwego, goba di tšerwego mabapi le seo ka tlase ga Molao wo mme go akaretšwa karošo ya lebakanyana ya tsela;
xxvii "masepala yo a amegago" e ra masepala yo ditlabelotirišwa tša dinamelwa di lego ka lefelong la taolo ya wona mo mabakeng ao mebasepala a legoro la B le C yeo e hlalošwago ka go karolo ya 1551b goba c ya Molaotheo, masepala yeo go ya ka molao goba ka kwano ya magareng ga mebasepala ya legoro la B le legoro la C, e nago le taolo le tlhokomelo ya ditlabelotirišwa tšeo di amegago;
xxviii "tsela" e ra tsela yeo e diretšwego tshepetšo ya dinamelwa le diphoofolo, go akaretšwa tshepetšo ya dipaesekela gape e akaretša leporogo goba moedi tšeo di tshelwago ke tsela mme di šomišetšwa go kgokaganya ditsela;
xxix "lefelo la tsela" e ra bophara ka botlalo bja tsela mme le akaretša mathoko a tsela le tsela ka boyona;
xxx "tsela" e ra karolo ya tsela yeo e agilwego mme e šomišetšwa tshepetšo ya dinamelwa ka kakaretšo;
xxxi "tsela" e ra tsela yeo e hlalošwago ka go karolo ya 6;
xxxii "moabela tirelo" e ra lefapha le fe goba le fe la mmušo, institšušene goba setho sa mmušo bjalo ka ge go hlalošwa ka go karolo ya 239 ya Molaotheo, khamphani, khoporeišene goba motho o fe goba o fe yo a fanago ka tirelo goba yo a matlafaditšwego goba a swanetšego go fana ka ditirelo mabapi le go fana ka mohlagase, meetse, kelelatšhila, kgase, megala goba ditirelo tšeo di swanago le tšeo;
xxxiii "Mmušo" e ra lefapha le fe goba le fe la mmušo goba taolotshepetšo ka go mebušo ya bosetšhaba, porofense le selegae;
xxxiv "motsesetoropo" e ra lefelo leo le arogantšwego ka ditsha, dile ka ba goba tša se be le dikgoba tšeo di bulegilego tša mafelo a setšhaba, le ka mebila yeo e hlakantšhwago ke ditsha goba dikgoba tšeo di bulegilego mme -
a o hlamilwe goba o dumeletšwe bjalo ka motsesetoropo ka tlase ga molao o fe goba o fe; goba b o dumeletšwe ke Molekgotla Phethiši bjalo ka motsesetoropo mo maikemišetšong a Molao wo, ka mo o ka dumelelwago ka gona;
xxxv) "Lekgotla la Metsesetoropo" e ra Lekgotla la Metsesetoropo leo le hlamilwego ka karolo ya 3 la Peakanyo ya Toropo le Otinense ya Metsesetoropo, 1986 (Otinense ya Nomoro ya 15 ya 1986 mme ge Lekgotla la Motsesetoropo le šwalalanywa, go hlangwa khuduthamaga ya tshekoleswa go theeletša ditshekoleswa ka ga diphetho tša mokgwa wo o hlalošwago ka go Molao wo;
xxxvi "mong wa motsesetoropo" e ra mong wa motsesetoropo;
xxxvii "dinamelwa" e akaretša dinamelwa, dithuthu, dipaesekela, dinamelwa tša batho le diphoofolo;
xxxviii "leswao la dinamelwa" e ra leswao la tsela ya dinamelwa bjalo ka ge le hlalošitšwe ka go Molao wa Bosetšhaba wa Dinamelwa tša Tsela, 1996 Molao wa Nomoro ya 93 wa 1996, go akaretšwa le ditšhupo tša seporo;
xxxix "ditlabelotirišwa tša dinamelwa" e akaretša ditsela tša porofense, diporo, mafelo a go emiša dinamelwa, maporogo, mefoma, mafelo a go ikhutša, mafelo a go ema, maporogo a go meta boima, diteišene, tša ka mathoko le disenthara tše dingwe tša taolo ya dinamelwa le ditlabelo tša tšhomišo ya mebotoro, dipase, dithekisi goba ditimela le banamedi ba tšona, mme di akaretša dihlangwa tšeo di lego mabapi le seo goba tšeo di swanago le tšeo, le dithoto ka moka tšeo di sa šuthego le ditirelo, go akaretšwa ditlabelo tša thekišo tšeo di šomišwago ga mmogo le ditlabelotirišwa tšeo;
xl "lefelo la motsesetoropo" e ra lefelo leo le nago le-
a motsesetopropo wo o boletšwego ka go temana ya a ya tlhaloša ya "motsesetoropo" fela le sa akaretše naga mo lefelong leo –
i yeo e lego naga ya mohlakanelwa; goba ii yeo e šomišetšwago goba e swanetšego go šomišetšwa temo goba thuo goba go bea diphoofolo goba e le lefelo la tša temo bjalo ka ge go hlalošišwe ka go karolo ya 7 ya Molao wa Ngwadišo ya Mafelo a tša Temo Transefala, 1919 Molao wa Nomoro ya 22 wa 1919; goba iii yeo e nago le sekgoba seo se bulegilego seo se sego sa tšweletšwa goba seo se beetšwego mabaka a setšhaba; goba b motsesetoropo wo o hlalošitšwego ka go temana ya b ya tlhalošo ya "motsesetoropo" wo Molekgotla Phethiši ka tsebišo ka go Kasete ya Porofense a o tsebagaditšwego go ba lefelo la motsesetoropo mo maikemišetšong a Molao wo;
xli "senamelwa" goba "mmotoro" e ra mmotoro bjalo ka ge go hlalošitšwe ka go Molao wa Bosetšhaba wa Dinamelwa tša Tseleng, 1996 Molao wa Nomoro ya 93 wa 1996.
Bophara bjo bo amogelegago bja ditsela tša porofense, diporo le ditsela tša phihlelelo
Bophara bja semolao bja lefelo la tsela bja ditsela tšeo di fapanego tša porofense le diporo bjalo ka ge go hlalošitšwe, go ya ka karolo ya 11 .
Mo dikgweding tše 12 morago ga go thoma ga karolo ye Molekgotla Phethiši o swanetše go ngwala maina a ditsela tša porofense, go sa akaretšwe ditsela tša phihlelelo, ao a swanetšego go akaretša -
a ditsela ka moka tša porofense tšeo di tsebagaditšwego bjalo ka tlase ga Molao wo goba tšeo di lego lefelong leo le tšerwego ka tlase ga Molao wo;
b ditsela tša maphefo ka moka tšeo di tšewago bjalo ka tlase ga karolo ya 117;
c) ditsela ka moka tšeo di tsebagaditšwego goba tšewago bjalo ka ditsela tša setšhaba ka tlase ga Otinense ya Ditsela, 1957 (Otinense ya 22 wa 1957) goba ditsela tša setšhaba tšeo di lego lefelong leo le hweditšwego ka tlase ga Otinense yeo tšeo di ngwadilwego bjalo ka ditsela tša dinomoro ke Kgoro pele ga go thoma ga karolo ye, bjalo ka ge go hlalošitšwe ka go molawana wa 81(a) wa Melawana ya Ditsela, 1957 (yeo bwilwego ka tlase ga Otinense ya Ditsela, 1957 (Otinense ya 22 wa 1957) fela e sa akaretše ditsela tšeo di hlalošwago ka go karolwana ya .
Molekgotla Phethiši a ka tšea sephetho sa go se akaretše tsela yeo e hlalošwago ka go temana ya c ya karolwana 1 go tšwa go maina ao a hlalošwago ka go karolwana yeo, e le godimo ga dintlha tšeo di swanago le -
a bontšhi bja dinamelwa mo tseleng;
b go ba gona ga tšhelete ya go hlokomela tsela;
c ntlha ye nngwe e fe goba e fe yeo Molekgotla Phethiši a bonago e le maleba.
a iša sethalwa sa wona go mebasepala ka moka yeo e amegago; le b go kgopela ditshwaetšo mabapi le sethalwa sa maina, le c go ela hloko ditshwaetšo tšeo di hweditšwego go ya ka temana ya b.
Molekgotla Phethiši o swanetše go fa tsela ye nngwe le ye nngwe yeo e ngwetšwego nomoro ka tlase ga karolwana ya 1.
Ke fela ditsela tša porofense tšeo di ngwetšwego go ya ka karolo ya 1 tšeo di tla bago ka tlase ga taolo le tlhokomelo ya Molekgotla Phethiši mme Molekgotla Phethiši a ka se tlamege go laola, go hlokomela, go šireletša goba go lokiša tsela e fe goba e fe yeo e sego ya ngwalwa.
Maina ao a hlalošwago ka go karolwana ya 1 a swanetše go -
a ba gona go hlahlobja ke setšhaba nakong ya mošomo; le b go tlaleletšwa ka mehla ge go na le tsela ye mpsha ya porofense yeo e tsebagaditšwego.
SERIPA SA 2
PULO YA DITSELA LE SEBOPEGOTHALWA SA MATHOMO SA DITSELA TŠA POROFENSE LE SEPORO (dikarolo 4-10)
Tiragatšo ya Seripa se
Seripa se se diragatšwa mo Molekgotla Phethiši a diragatšago matla go ya ka karolo ya 50 (a) mabapi le go bula ditsela le sebopegothalwa sa ditsela tša porofense goba diporo.
Magato a pulo ya ditsela le sebopegothalwa sa ditsela tša porofense le seporo
Mo mabakeng a Seripa se, magato a pulo ya ditsela le sebopegothalwa sa ditsela tša porofense le seporo a swanetše go diragatšwa ka tatelano ye:
a Pulo ya tsela; le b sebopegothalwa sa mathomo.
Pulo ya tsela
Ge go bulwa tsela ya porofense goba seporo, phetolo ya tsela yeo e tsebagaditšwego karolwana ya 9 goba yeo e tšewago gore e tsebagaditšwe go ya ka karolo ya 101, goba phetolo ya tsela yeo e lego gona ya porofense goba seporo, Molekgotla Phethiši o tla dira gore go dirwe tekatekanyo ya tsela , ka mokgwa wa pego yeo e ngwetšwego bjalo ka mo go beilwego mme e na le ditšhišinyo mabapi le tsela mme Molekgotla Phethiši o swanetše gore morago ga fao a latele tshepetšo yeo e beilwego ka go karolo ye.
Pulo ya tsela e swanetše go sepelelana le sekgoba sa lefelo la tsela goba le dipeakanyo tše dingwe tša porofense tša maanotshepetšo a tšweletšo tšeo di hlamilwego go ya ka molaotlhakwa wa peakanyo ya tšweletšo ya Porofense mme ge go se bjalo, go swanetše go hwetšwa tumelelo ya Leloko la Khansele ya Khuduthamaga leo le nago le maikarabelo a peakanyo ya tšweletšo pele go bulwa ka tlase ga karolo ye.
Pele go bulwa tsela goba go fetolwa tsela, Molekgotla Phethišo o swanetše go-
a dira gore go dirwe dinyakišišo tša tikologo le pego tšeo di swanetšego go dirwa ka bolaodi bjo bo nago le bokgoni bjo bo hlalošwago ka go karolo ya 22 ya Molao wa Polokego ya Tikologo, 1989 Molao wa Nomoro ya 73 wa 989 ECA, goba bolaodi bjo bo hlalošwago ka go dikarolo tša maleba tšeo di sepelelanago tša Molao wa Bosetšhaba wa Taolo ya Tikologo, 1998 Molao wa Nomoro ya 107 wa 1998 NEMA ge fela dikarolo tšeo di thoma go tsenywa tirišong, a ka tšea sephetho, le b ka morago ga dinyakišišo, dinyakišišo tša phatlalatša di swanetše go swarwa mme mo lebakeng leo o swanetše go kgetha khomišene ya maleba yeo e nago le bokgoni yeo e nago le maloko ao a sa fetego lesome bao go wona:
i bonnyane batho ba babedi bao ba kgethilwego ka lebaka la mangwalo a bona le tsebo goba maitemogelo a tšweletšo ya naga mme e le batho bao go ya ka kakanyo ya Molekgotla Phethiši ba nago le bokgoni go diragatša mediro yeo ba e filwego go ya ka karolo ye;
ii batho bao ba sa fetego ba babedi bao ba kgethilwego ke masepala yo tsela e tla bulwago lefelong la wona;
iii mohlankedi o tee go tšwa go Kgoro ya Peakanyo ya Tšweletšo le Mmušo wa Selegae goba yo a latelago;
iv mohlankedi o tee go tšwa go Kgoro;
v bonnyane ba sibil intšenere bao ba nago le mangwalo ba babedi;
vi bonnyane mmeakanyi o tee wa toropo le mmeakanyi wa retšene bao ba ngwadišitšwego bjalo le Khansele ya Afrika Borwa ya Babeakanyi ba Toropo le Diretšene bjalo ka ge go hlalošitšwe ka go Molao wa Babeakanyi ba Toropo le Diretšene, 1984 Molao 19 wa 1984; le vii modulasetulo wa maleba yo a nago le mangwalo yo a ka bago yo mongwe wa batho ba hlalošwago ka go ditemana i go ya go vi.
Molekgotla Phethiši o swanetše go dira gore tsebišo ya dinyakišišo tša setšhaba e fiwe ka tsebišo ya go kwalakwatšwa ka mokgwa wo o beilwego, yeo e nago le-
a tlhalošo yeo e ikadilego ya tsela yeo e akanywago;
b dintlha tša dinako le mafelo ao go wona pego ya tsela ya kakanyo le pego ya tikologo di ka hlahlobjago mme gwa dirwa dikgatišo;
c memo ya mahlakore ka moka ao a nago le kgahlego -
i go dira ditshwaetšo ka go ngwala pele ga letšatši, e sego ka tlase ga matšatši a 30 morago ga tsebagatšo ya tsebišo ka ga tsela yeo e šišintšwego, le ii go ba gona mo dinyakišišong tša setšhaba go fahlela ka ga ditšhišinyo tseo di ngwetšwego ge go ka nyakega bjalo, goba go hlagiša ditšhišinyo ka go tsela yeo e šišintšwego ka molomo ka boyena;
d letšatši le lefelo la dinyakišišong tša setšhaba; le e go lebelela magato a taolotshepetšo ao a diragatšwago go ya ka karolo ya 7 ka ga kwalakwatšo ya tsela go ya ka karolwana ya 9.
Ka letšatši leo le boletšwego ka go tsebišo yeo, khomišene e swanetše go swara le go sepetša dinyakišišong tša setšhaba, mme ka go dira seo e swanetše go -
a hwetša mekgwatshepetšo ya dinyakišišong tša setšhaba yeo e swanetšego go -
i akaretša theeletšo ya setšhaba; le ii go obamela mekgwatshepetšo yeo e swanetšego go latelwa mabapi le dinyakišišo tša setšhaba bjalo ka ge go hlalošwa ka go karolo ya 101b ya Molao wa Kgodišo ya Toka ya Taolotshepetšo, 2000 Molao wa 3 wa 2000, ge ditaelo tšeo di sa kgonege, e tla ba ka mo Molekgotla Phethiši a laelago ka gona; le b sepetša dinyakišišo go ya ka mokgwatshepetšo wo o boletšwego.
Morago ga go sepetša dinyakišišo tša setšhaba, khomišene e swanetše go hlama pego yeo e ngwetšwego ka ga dinyakišišo, go elwa hloko mekgwa yeo e beilwego ka go karolo ya 3 ya Molao wa Tshepetšo ya Tšweletšo, 1995 Molao wa 67 wa 1995 le ka go molaotlhakwa wa peakanyo ya porofense le tšweletšo. Pego e swanetše go ba le -
a ditšhišnyo ka moka tšeo di ngwetšwego ka ga tsela yeo e akanywago;
b kakaretšo ya ditlhagišo tša molomo tšeo di dirilwego go dinyakišišo tša setšhaba; le c ditšhišinyo go ya Molekgotla Phethiši mabapi le tsela yeo e akanywago ka mabaka a ditšhišinyo tšeo.
Ge go ka se be kwano ka go khomišene mabapi le morero wa tšhomišo ya naga yeo e e tlago ahlaahlwa ka go pego, morero woo o swanetše go fetetšwa go Lekgotla la Metsesetoropo ka mokgwa wo o beilwego go hwetša sephetho.
Mo mabakeng a karolwana ya 7, "morero wa tšhomišo ya naga " e ra morero wo o amago phetogo ya tšhomišo ya naga e fe goba e fe yeo e tlago diragatšwa pulong ya tsela.
Morago ga go hlahloba pego yeo e hlalošwago ka go karolwana ya 6, Molekgotla Phethiši a ka bula tsela ya porofense goba seporo mme tsela e swanetše go tsebagatšwa ka go hlaloša mothaladi wa yona wa gare, ka tsebišo ka go Kasete ya Porofense, tsebišo e swanetše go ba le -
a tshedimošo ye, e ka ba ka mokgwa wa peakanyo ya sethalwa, mabapimle sethalwa seo se lego gona go hlahlobja mo atereseng yeo e filwego, goba ka mokgwa wo mongwe, bjalo ka ge Molekgotla Phethiši a ka bona go kgotsofatša go bontšha mothaladi wa gare wa tsela;
b tsebišo ya gore magato a taolotshepetšo ao a beilwego ka go karolo ya 7 a tsenywa tirišong go tloga letšatšing la kwalakwalatšo ya tsebišo; le c tsebišo ya gore mabaka a sephetho sa Molekgotla Phethiši mabapi le pulo ya tsela, a ka nna a kgopelwa ke mahlakore ao a nago le kgahlego goba ao a amegago mo matšatšing a 30 go tloga letšatšing la kwalakwalatšo ya tsebišo.
Go ya ka karolo ya 82, tsela goba dikarolo tša yona di ka fetolwa ke Molekgotla Phethiši morago ga ge a obametše mekgwatshepetšo yeo e beilwego ka go dikarolo tša 81 go ya go 8 mme diphetogo go tsela di swanetše go tsebagatšwa bjalo ka ge go beilwe ka go karolwana ya 9.
Dikgontšhi tša karolo ye ga di dirišwe ka go ditsela tša phihlelelo.
Magato a taolotshepetšo mabapi le ditsela
Morago ga kwalakwatši ya tsebišo yeo e hlalošwago ka go karolo ya 69 mme ga mmogo le molao o fe goba o fe, kgopelo ye nngwe le ye nngwe ya tlhamo ya motsesetoropo, ya go arola naga, ya go fetola tšhomišo ya naga go ya ka molao o fe goba o fe goba lenaneo la peakanyo ya tororpo ga mmogo le tumelelo e fe goba e fe yeo e hlalošwago ka go Molao wa Polokego ya Tikologo, 1989 Molao wa Nomoro ya 73 wa 989 ECA, le Molao wa Bosetšhaba wa Taolo ya Tikologo, 1998 Molao wa Nomoro ya 107 wa 1998 NEMA, mabapi le mafelo ao a boletšwego ka go karolo ya 81, e swanetše go felegetšwa ke pego yeo e ngwetšwego ya feme ya lekalatiro ya sibili intšenere yeo e nago le bokgoni bja tlhamo ya ditsela le intšenering ya tsa dinamelwa, yeo e begago ka ga merero yeo e latelago:
a Dikhuetšo le ditlamorago tšeo tumelelo ya kgopelo yeo e ka bago le tšona mabapi le -
i tsela yeo e hlalošwago ka go karolo ya 69;
ii sebopego sa ka moso sa motheo wa tsela ya porofense goba seporo tšeo pulo e akanyetšwago tšona; le iii tsela e fe goba e fe yeo e tsebagaditšwego goba yeo e tšewago e le yeo e tsebagaditšwego go ka karolo ya 69, sebopego se fe goba se fe seo ka ga sona tumelelo e tsebagaditšwego goba go tšewa gore e tsebagaditšwe go ya ka karolo ya 87 le tsela e fe goba e fe ya porofense goba seporo;
b kgonagalo ya go fetola tsela yeo e boletšwego le ditshenyegelo tša mabapi le seo, ge kgopelo e ka dumelwa;
c ditshenyegelo tše dingwe mabapi le sebopego sa motheo se seswa ge e le gore tsela yeo e fetotšwego e tla ba tharollo, ge kgopelo e ka dumelwa, le d morero wo mongwe o fe goba o fe mabapi le tsela yeo e boletšwego, sebopego le kago ya tsela ya porofense le seporo tšeo di tla amegago ge kgopelo e ka dumelwa.
Feme ya lekalatiro ya sibili intšenere yeo e boletšwego ka go karolwana ya 1 e swanetše go dumelelwa ke Molekgotla Phethiši gore e na le maloko ao a nago le bokgoni bjo bo nyakegago bjalo ka ge go hlalošitšwe ka go karolwana ya 1 mme ba na le bonnyane mengwaga ye lesome ya maitemogelo ka go dithuto tšeo di nyakegago.
Kgopelo yeo e felegetswago ke pego ga mmogo le dikgontšhi tša molao o fe goba o fe e swanetše go išwa go Molekgotla Phethiši ke:
a masepala; goba b bolaodi goba setho seo dikgopelo di dirilwego go sona; goba c mokgopedi o swanetše ge e le gore mokgopedi o swanetše go -
i hwetša tumelelo ya bolaodi tšeo di boletšwego ka go temana ya a goba b; le ii iša bohlatse bjo bo kgotsofatšago bolaodi bjo bo amegago gore mokgopedi o rometše kgopelo go Molekgotla Phethiši.
Molekgotla Phethiši a ka fa tshwaetšo ka go ngwala ka ga kgopelo le pego yeo e felegetšago seo go masepala, bolaodi bjo bongwe goba setho seo kgopelo e dirilwego go tšona, mo matšatšing a 60 morago ga go amogela kgopelo le kgopelo le pego yeo e felegetšago seo, goba mo nakong ye kopana yeo e ka bewago go ya ka molao o fe goba o fe.
Ga go na kgopelo yeo e ka dumelelwago ntle le kelohloko ya -
b pego yeo e ngwetšwego yeo e hlalošwago ka go karolwana ya 1 ka godimo;
c ditshenyegelo tše dingwe tšeo tumelelo ya kgopelo e ka di hlagišago thwii le ka mokgwa wo mongwe go Mmušo le setšhaba seo se amegago, di lekalekanywa le mohola go mokgopedi le setšhaba ge tumelo e ka dumelelwa; le d bokgole bjo ka bjona tumelelo ya kgopelo e godišago tšweletšo yeo e swarelelago yeo e kopanyago peakanyo ya dinamelwa le peakanyo ya tšhomišo ya naga mabapi le dinyakwa tša intšenering ya tša dinamelwa.
Morago ga go dira sephetho ka ga kgopelo, masepala goba bolaodi bjo bongwe ba swanetše go tsebiša Molekgotla Phethiši ka go ngwala ka ga sephetho sa bona mo matšatšing a 14 morago ga go dira sephetho seo, mme ge kgopelo e dumeletšwe, ba swanetše go fa mabaka a botlalo a sephetho seo ka go ngwala go Molekgotla Phethiši mo nakong yeo e filwego.
Mo matšatšing a 28 morago ga go amogela sephetho le mabaka a go dumelela kgopelo, Molekgotla Phethiši o swanetše go kgopela tshekoleswa kgahlanong le sephetho go ya ka mekgwatshepetšo yeo e beilwego ka go molao wo o amegago ka diphetogo tseo di swanetšego, go bolaodi bja tshekoleswa goba khuduthamaga ya tshekoleswa tšeo di filwego ka go molao wo o amegago, ge e le gore mo molao wo o diragatšwago o laelago tshekoleswa go Tona, leloko le fe goba le fe le Komiti Phethiši goba Mohlankedi wa Mmušo wa Porofense, tshekoleswa e swanetše go theeletšwa mme ya phumulwa mafelelong ke Lekgotla la Metsesetoropo la Porofense bjalo ka ge o ka re Lekgotla leo la Metsesetoropo le na le matla a kahlolo a mafelelo a ka godimodimo mabapi le tshekoleswa.
Morago ga kwalakwatšo ya tsebišo yeo e hlalošwago ka go arolo ya 69 mme go sa kgathatšege molao o fe goba o fe wo o lego kgahlanong , ga go moabi wa ditirelo yo ka morago ga go tsenywa tirišong ga karolo ye a ka beago, a aga, a fetola goba a tlaleletša phaephe e fe goba e fe, mathale a mohlagase, mathale a mogala goba selo se sengwe se fegoba se fe ka godimo goba ka tlase ga lefelo leo le hlalošwago ka go karolo ya 81 goba a ka aga, a fetola goba go oketša go sehlangwa sa mohuta o fe goba o fe , ka godimo goba ka tlase ga lefelo leo, ntle le ge-
a ge tumelelo yeo e ngwetšwego ya Molekgotla Phethiši e hweditšwe fela go ya ka mabaka ao Molekgotla Phethiši a ka a beago; goba b go ya ka tirelo yeo e ngwadišitšwego.
Sebopego sa motheo
Morago ga kwalakwatšo ya tsela ka tsebišo yeo e hlalošwago ka go karolo ya 69, Molekgotla Phethiši a ka dira gore sebopego sa tsela ya porofense sa ka moso goba seporo se diragatšwe mo mafelong ao a welago ka go -
a sekgoba sa dimitara tše 200 tšeo di metilwego go tloga mahlakoreng a mabedi a mothaladi wa gare wa tsela;
b sekgoba sa dimitara tše 500 go tšwa mahlakanong a mothaladi wa gare wa tsela le mothaladi wa gare wa -
i tsela ye nngwe e fe goba e fe yeo e tsebagaditšwego go ya ka karolo ya 69 goba yeo e tšewago go ka ba e tsebagaditšwe go ya ka karolo ya 101;
ii sebopego sa motheo, seo tumelelo ya sona e tsebagaditšwego go ya ka karolo ya 87 goba yeo e tšewago go ka ba e tsebagaditšwe go ya ka karolo ya 103;; goba iii tsela ye nngwe e fe goba e fe goba seporo.
Go sa kgathatšege dikgontšhi tša karolwana ya 1, sebopego sa motheo se ka aroga go tšwa go tsela yeo e tsebagaditšwego go ya ka karolo ya 69 ge e le gore mo sebopego sa motheo sa tsela se arogago go tšwa go tsela yeo mo e lego gore -
a ke fela ge mollwane o tee wa lefelo la tsela goba lefelo la seporo wo sebopego sa motheo sa tsela se welago ka ntle ga mafelo ao a bolelwago ka go karolo ya 1, Molekgotla Phethiši a ka tšeago sephetho sa go se fetole tsela yeo e amegago; goba b mellwane ya lefelo la tsela le ya lefelo la seporo ya sebopego sa motheo sa tsela e wela ka ntle ga lefelo leo le bolelwago ka go karolwana ya 1, pulo ya tsela go ya ka dikarolo tša 61 go ya go 9 e swanetše go dirwa ka mo mellwane ya lefelo la tsela le ya lefelo la seporo ya sebopego sa motheo sa tsela e welago ka ntle ga mafelo ao a bolelwago.
Tshepetšo ya sebopego sa motheo sa tsela e swanetše go dirwa ka go ela hloko-
a dithoto tšeo di tla amegago thwii ke sebopego sa motheo sa tsela, dikgahlego tša beng bao ba ngwadišitšwego le beng ba ditokelo tšeo di ngwadišitšwego mabapi le seo;
b dithoto tšeo di tla amegago thwii ke sebopego sa motheo sa tsela mabapi le -
i phihleleo ya go tsena le go tšwa lefelong leo;
ii ditirelo tša nako yeo goba tša lebaka leo le tlago; le iii dikgahlego tša beng bao ba ngwadišitšwego le beng ba ditokelo tšeo di ngwadišitšwego mabapi le seo;
c dikgahlego lemediro ya mebasepala le baabi ba ditirelo ka mo di ka angwago thwii goba ka mokgwa wo mongwe ke sebopego sa motheo sa tsela; le d tikologo.
Molekgotla Phethišo o swanetše go dira gore -
a go beakanywe sethalwa sa sebopego sa motheo sa tsela le pego yeo e ngwetšwego; le b dinyakišišo tša tikologo le pego yeo e ngwetšwego ya seo di dirwe ke bolaodi bjo bo nago le bokgoni bjo bo hlalošwago ka go karolo ya 22 ya Molao wa Polokego ya Tikologo, 1989 Molao wa Nomoro ya 73 wa 989 ECA, goba bolaodi bjo bo hlalošwago ka go dikarolo tšeo di amegago tša Molao wa Bosetšhaba wa Taolo ya Tikologo, 1998 Molao wa Nomoro ya 107 wa 1998 NEMA, ge fela dikarolo tšeo di tsenywa tirišong, a ka tšea sephetho;
mme Molekgotla Phethiši o swanetše gore morago ga fao a latele mekgwatshepetšo yeo e beilwego ka go karolo ye.
Molekgotla Phethiši o swanetše go tšea magato ao a beilwego, mo nakong yeo e beilwego, go tsebiša batho bao ba nago le kgahlego bao ba hlalošwago ka go karolwana ya 3 ya-
a sethalwa sa sebopego sa motheo sa tsela seo se hlalošwago ka go 4a;
b pego ya tikologo yeo e hlalošwago ka go karolwana ya 4b;
c Maikemišetšo a Molekgotla Phethiši go tšea sephetho ka ga sethalwa sa sebopego sa motheo sa tsela;
d magato a taolotshepetšo ao a tsenywago tirišong go ya ka karolo ya 9 ge go kwalakwatšwa tumelelo ya sebopego sa motheo sa tsela go ya ka karolwana ya 7; le e sekgoba, ka mokgwa lenako yeo e beilwego, sa go tsenya ditshwaetšo mabapi le sethalwa sa sebopego sa motheo sa tsela le pego ya tikologo.
Molekgotla Phethiši o swanetše gore morago ga fao a sekaseke sethalwa sa sebopego sa motheo sa tsela a etse hloko -
a pego ya tikologo yeo e hlalošwago ka go karolwana ya 4; le b ditshwaetšo tša mahlakore ao a nago le kgahlego goba ao a amegago bjalo ka ge go tla be go hlagišitšwe go ya ka tsebišo yeo e hlalošwago ka go karolwana ya 5;
mme a ka dumela sethalwa sa sebopego sa motheo sa tsela go ka diragatšwa ka diphetogo tšeo Molekgotla Phethiši a ka bonago di swanetše.
Molekgotla Phethiši o swanetše gore morago ga fao a tsebagatše tshedimošo ka kakaretšo ya tumelelo ya gagwe ya sebopego sa motheo sa tsela go diragatšwa ka tsebišo ka go Kasete ya Porofense yeo e nago le -
a aterese ya moo sebopego sa motheo sa tsela se ka hlahlobjago gona;
b tshedimošo yeo, ka mokgwa wa sethalwa goba go ya ka sethalwapeakanyo seo se lego gona go ka hlahlobja mo atereseng yeo e filwego, bjalo ka ge Molekgotla Phethiši a ka bona go lekane go bontšha boyo le maemo a tsela ya porofense goba seporo go ya ka sebopego sa motheo sa tsela;
c tsebišo ya gore magato a taolotshepetšo ao a filwego ka go karolo ya 7 mabapi le tsela a emišwa go diragatšwa go tloga ka letšatši la tsebišo go fihla mo tsela yeo go bapa le yona goba ka godimo ga yona sebopego sa motheo sa tsela se dumeletšwego ke Molekgotla Phethiši go ya ka karolwana ya 6;
d tsebišo ya gore magato a taolotshepetšo ao a lego ka go karolo ya 9 a tla diragatšwa go tloga ka letšatši la tsebišo mabapi le sebopego sa motheo sa tsela ; le e tsebišo ya gore mabaka a tumelelo a ka nna a kgopelwa ke mahlakore ao a nago le kgahlego le ao a amegago mo nakong yeo e beilwego morago ga letšatši la kwalkwatšo ya tsebišo.
Sebopego sa motheo sa tsela seo tsebišo e kwalakwaditšwego mabapi le sona go ya ka karolwana ya 7, goba dikarolo tša yona, se ka na sa fetolwa ke Molekgotla Phethiši mme mo mabakeng ao, dikgontšhi tša dikarolwana tša 1 go ya go 7 di tla diragatšwa le diphethogo tšeo di nyakegago, ge e le gore mo diphetogo tšeo di arogago go tšwa go sebopego sa motheo sa tsela seo se boletšwego bokgole bjo e lego gore mellwane ya mafelo a tsela le seporo a phetogo a wela ka ntle ga mellwane ya mafelo a tsela le seporo a sebopego sa motheo sa tsela, pulo ya tsela go ya ka dikarolo tša 61 go ya go 9 e swanetše go dirwa ka mokgwa wo e lego gore mellwane ya mafelo ao a tsela le seporo ya sebopego seo se fetoltšwego e wela ka ntle.
Matla a Molekgotla Phethiši ao a hlalošwago ka go karolwana ya 8, a ka diragatšwa ka go kgopelo yeo e ngwetšwego ke motho o fe goba o fe yo a kganyogago gore sebopego sa motheo sa tsela se fetolwe, kgopelo yeo e felegetšwa ke tefelo yeo e beilwego mme mo mabakeng ao, dikgontši tša dikarolo tša 382 go ya go 6 di tla diragatšwa go dikgopelo tšeo.
Ge go kwalakwatšwa tsebišo yeo e hlalošitšwego ka go karolwana ya 7, tsebišo e fe goba e fe yeo e kwalakwaditšwego go ya ka karolo ya 69 mabapi le tsela yeo go bapa le yona goba yeo ka godimo ga yona sebopego sa motheo sa tsela seo se dumeletšwego ke Molekgotla Phethiši, e tla tšewa gore o beilwe go fihla ka mo tsela yeo go bapa le yona goba yeo ka godimo ga yona sebopego sa motheo sa tsela seo se dumeletšwego ke Molekgotla Phethiši go ya ka karolwana ya 6.
Dikarolwana 1a, b le 2 di ka se diragatšwe go ditsela tša phihlelelo.
Magato a taolotshepetšo mabapi le dibopego tša motheo tša tsela tšeo di dumeletšwego
Bjalo ka go tšwa go kwalakwatšo ya tsebišo mabapi le tumelelo ya sebopego sa motheo sa tsela bjalo ka ge go hlalošwa ka go karolo ya 87, go sa kgathatšege dikgontšhi tša molao o fe goba o fe wo o lego kgahlanong -
a ga go na kgopelo ya tlhamo ya motsesetoropo, kgopelo ya karoganyo ya naga, ya go fetola tšhomišo e fe goba e fe ya naga go ya ka molao o fe goba o fe goba lenaneo la peakanyo ya toropo, go tumelelo e fe goba e fe yeo e hlalošwago ka go Molao wa Polokego ya Tikologo, 1989 Molao wa Nomoro ya 73 wa 989 ECA, goba Molao wa Bosetšhaba wa Taolo ya Tikologo, 1998 Molao wa Nomoro ya 107 wa 1998 NEMA, e tlago go fiwa -
i mabapi le sekgoba seo se lego ka gare ga mellwane ya sebopego sa motheo sa tsela ya lefelo la tsela goba seporo, ge e le gore Molekgotla Phethiši a ka re ka kgopelo yeo e ngwetšwego ya mokgopedi a hlepiša dikgontšhi tša karolwana ye mabapi le tsela ya phihlelelo ka mabaka ao Molekgotla Phethiši a ka bonago a swanetše, go akaretša -
aa lebaka la gore tsela ya phihlelelo e ka tšewa legatong ke tsela ye nngwe goba mmila tšeo di šomago go swana le tsela ya phihlelelo; le bb lebaka la gore phetolo ya sebopego sa motheo sa tsela se nyaka gore mokgopedi a lefele ka moka goba ditshenyegelo di fe goba di fe tšeo di hweditšwego ke Molekgotla Phethiši mo tshepetšong, mme go tla diragatšwa karolo ya 38;
ii mo mabakeng a go fihlelela tsela ya porofense mo lebakeng leo le tlago yeo e lego mabapi le sebopego sa motheo sa tsela, ntle le ge phihlelelo e filwe ka go sebopego sa motheo sa tsela, goba ka go phetolo ya yona ka kgopelo go ya ka karolo ya 89 goba ka mokgwa wo mongwe b dikarolo tša 46, 48 le 49 di tla diragatšwa, ka diphetogo tšeo di swanetšego, go lefelo leo le thibetšwego go aga leo le lego gona mabapi le mellwane ya lefelo la tsela le seporo bjalo ka ge go bontšhwa ka go sebopego sa motheo sa tsela, ka mokgwa wo dikarolo tše di diragatšwago ka go mafelo ao a thibetšwego kago, fela dikarolo tša 464, 5, le 9 le dikarolo tša 487 le 8, di ka se diragatšwe; le c ga go kgopelo ya phetolo ya tšhomišo ya naga mabapi le karolo ya naga yeo e lego kgauswi le mollwane wa lefelo la tsela wa sebopego sa motheo sa tsela mo lefelong la motsesetoropo e tlago go fiwa ntle le ditšhišinyo tšeo di ngwetšwego tša Molekgotla Phethiši tšeo di hweditšwego pele mme tša elwa šedi go ya ka mekgwatshepetšo yeo e šomišwago ya peakanyo ke bolaodi bjo bo nago le matla a go dumelela diphetogo ka tšhomišo ya naga, bolaodi bjo bo swanetše go ela šedi ka tshwanelo ditšhišinyo tšeo, mme karolo ya 76, 7 le 8 di tla diragatšwa mo lebakeng leo, ka diphetogo tšeo di nyakegago.
Morago ga kwalakwatšo ya tsebišo yeo e hlalošwago ka go karolo ya 87 mme go sa kgathatšege molao o fe goba o fe, ga go na moabi wa ditirelo yo a tlago gore morago ga tsenyo tirišong ya karolo ye, a bea, a aga, a fokotša goba a oketša go phaephe e fe goba e fe, mathale a mohlagase, mathale a mogala goba sehlangwa se fe goba se fe go, ka godimo goba ka tlase ga lefelo la ka gare ga mellwane ya lefelo la tsela goba seporo bjalo k age go bontšhwa ka go sebopego sa motheo sa tsela goba a aga, a fokotša goba a oketša sethalwa se fe goba se fe sa mohuta o fe goba o fe go, ka godimogoba ka tlase ga lefelo leo, ntle le ge-
a ge e le gore go hweditšwe tumelelo yeo e ngwetšwego ya Molekgotla Phethiši mabapi le mabaka ao Molekgotla Phethiši a ka a beago, goba b go ya ka mabaka ao a lego gona a ngwadišo.
Peakanyo ya ditsela le sebopego sa motheo sa tsela tšeo di lego gona tša ditsela tša porofense le diporo tša lebaka leo le tlago
Tsela e fe goba e fe ka gare ga Poroense yeo e dumeletšwego bjalo ke -
b Tona ya Porofense; goba c Molekgotla Phethiši, ka tlase ga Otinense yeo, pele ga letšatši la go tsenywa tirišong ga karolo ye, e tla tšewa gore e beilwe mme ya kwalakwatšwa go ya ka karolo 6 ge fela Molekgotla Phethiši a kwalakwaditše tsebišo ka gare ga Kasete ya Porofense gore mothaladi wa gare wa tsela o beilwe, mme go tloga ka letšatši leo dikgontšhi tša mabapi le seo tša dikarolo tša 5 go ya go 8 di tla diragatšwa go tsela yeo bjalo ka ge o kare di kwalakwaditšwe go ya ka karolo ya 6 .
Molekgotla Phethiši o swanetše go ba le letlakala la maina a ditsela ka moka tšeo di dumeletšwego tšeo di lego gona go hlahlobja ke mahlakore a fe goba a fe ao a nago le kgahlego le ao a amegago, ga mmogo le mananeopeakanyo ao a bontšhago ditsela tšeo, ka dinako tšeo di beilwego le mafelo..
Sebopego se sengwe le se sengwe sa motheo sa tsela ya porofense ka gare ga Porofense, go akaretša sebopego seo ka mokgwa wa peakanyo ya motheo, yeo e dumeletšwego ke -
b Tona ya Porofense; goba c Molekgotla Phethiši, ka tlase ga Otinense yeo, pele ga letšatši la go tsenywa tirišong ga karolo ye, mme e boletšwe ka go tsebišo yeo e kwalakwaditšwego ka go Kasete ya Porofense e tla re ka morago ga go tsenywa tirišong ga karolo sa tšewa gore se dumetšwe ke Molekgotla Phethiši gore se diragatšwe go ya ka karolo ya 8 , le le karolo ya 9 di tla diragatšwa go tloga ge karolo ye e tsenywa tirišong go sebopego seo sa motheo sa tsela, ge e le gore mo mabakeng a maikemišetšo a tiragatšo ya dikarolo tšeo di boletšwego, karolo ya 8 di tla tšewa gore di latetšwe mo letšatšing la go tsenywa tirišong ga karolo ye.
Molekgotla Phethiši o swanetše go ba le letlakala la dibopego tša motheo tša tsela ka moka tšeo di hlalošwago ka go karolwana ya 3, tšeo di swanetšego go ba gona go hlahlobja ke mahlakore ao a nago le kgahlego le ao a amegago, ga mmogo le dipeakanyo mabapi le seo, mo dinakong le mafelo ao a beilwego.
SERIPA SA 3
Tsebagatšo ya ditsela tša porofense le diporo
Molekgotla Phethiši a ka re, ka tsebišo ka go Kasete ya Porofense morago ga dinyakišišo le pego ka Kgoro mme, go ya ka karolwana ya 4 le karolo ya 15, a ela hloko ditshwaetšo le ditšhišinyo go tšwa go mebasepala yeo ka gare ga mafelo a taolo ya wona tsela goba seporo di tla bego di le ka go wona le gore naa tsela e butšwe ka tlase ga karolo ya 6 goba aowa goba gore sebopego seo sa motheo sa tsela se diragaditšwe ka tlase ga karolo ya 8 -
a a tsebagatša tsela go ba tsela ya porofense goba seporo;
b a tsebagatša gore tsela ya porofense goba seporo di tla ba go lefelo le fe goba le fe ka bophara bjo Molekgotla Phethiši a tla bonago bo kgotsofatša;
c a fetola maemo a tsela ya porofense goba seporo; mme d a tswalela goba a aroša tsela ya porofense goba seporo.
Molekgotla Phethiši a ka re, ka tsebišo ka go Kasete ya Porofense , a fokotša goba a oketša bophara bja tsela ya porofense goba seporo.
a Molekgotla Phethiši a ka phumula tsebišo yeo e hlalošwago ka go karolwana ya 1, morago ga go ikopanya le masepala yo a amegago mo mabakeng ao e lego gore tsela goba seporo di šetše di agilwe, go ya ka karolwana ya 5; goba b Molekgotla Phethiši a ka fetola tsebišo yeo, morago ga go ikopanya le masepala yo a amegago mo mabakeng ao phetogo e lego maleba, go ya ka karolwana ya 4.
Setšhaba se ka šomiša tsela ya porofense yeo e sa hlwelego e na le maemo a tsela ya porofense go ya ka karolwana ya 1d go fihlela e tswalelwa ke Molekgotla Phethiši ka mekgwa yeo e bonagalago.
Molekgotla Phethiši The MEC a ka nna a tšea magato ntle le ditshwaetšo goba ditšhišinyo go tšwa go mebasepala mo mebasepala yeo e retelelwago ke go di fihliša mo matšatšing a 60 ao di kgopetšwego ka wona ka go ngwalwa.
Molekgotla Phethiši a ka dira tsela e fe goba e fe ya porofense goba karolo ya yona, e ka ba ka go tsebišo, a e tsebagatša goba ka go tsebišo ya ka morago ka go Kasete ya Porofense, bjalo ka tsela ya lephefo.
Tsela e fe goba e fe ya porofense yeo e dirilwego go ba tsela ya lephefo ka leswao la tsela la maleba go ya ka Molao wa Bosetšhaba wa Dinamelwa tša Tsela, 1996 Molao wa 93 wa 1996 pele ga go tsenya tirišong ga karolo ye, e tla tšewa gore e beilwe ke Molekgotla Phethiši MEC go ya ka karolwana ya 6.
Mo tsela goba seporo di tsebagaditšwego ka godimo ga lefelo go ya ka karolwana ya 1, tokelo ya dimetale tša go benya, matlapa bohlokwa, dimenerale tšeo di sego tša šongwa base le oli ya tlhago di tla tšwela pele go ba tša motho go akaretšwa Mmušo yo di bego di le matleng a gagwe pele ga tsebagatšo.
Koketšo goba phokotšo ya mafelo ao a thibetšwego go aga
Molekgotla Phethiši a ka, ka tsebišo ka go Kasete ya Porofense, a oketša goba a fokotša lefelo leo le thibetšwego go aga , e ka ba ka kakaretšo goba mabapi le seripa sa naga goba karolo karolo ya yona.
Motho o fe goba o fe a ka dira kgopelo go Molekgotla Phethiši, ka mokgwa wo o beilwego le ge a lefile tšhelete ya kgopelo ya phokotšo ya lefelo leo le thibetšwego go aga, yeo e ka fiwago goba ya ganetšwa ke Molekgotla Phethiši ka go ela šedi mohuta wa tsela goba seporo seo se amegago, tšweletšo goba tšweletšo ye e akanywago go bapa le tsela goba seporo le dintlha tše dingwe tšeo Molekgotla Phethiši a di bonago di amega.
Tsebišo ya ditsela tša phihlelelo
Mo e lego gore ka lebaka la kago, go nyakega tlhokomelo goba karošo ya tsela ya porofense goba seporo, ka kakanyo ya Molekgotla Phethiši, go dira tsela ye mpsha goba yeo e fetotšwego yeo e išago go tsela ya porofense goba ye nngwe, Molekgotla Phethiši a ka re, go ya ka karolo ya 15, a tsebiša ka go Kasete ya Porofense, gore tsela ya phihlelelo ya bophara bjo Molekgotla Phethiši a bonego bo swanetše mme bo bontšhwa ka go tsebišo, e tla bulwa mo lefelong leo le amegago goba go tswalela, goba go aroša goba go oketša goba go fokotsa bophara bja tsela yeo.
Molekgotla Phethiši a ka phumula goba a fetola tsebišo yeo e hlalošwago ka go karolwana ya 1.
Ntle le karolo ya 502a, Molekgotla Phethiši ga a tlamega go beakanya, go thala, go tšweletša, go aga, go lefela, go sepetša taolo, go laola, go hlokomela go šireletša goba go lokiša tsela e fe goba e fe ya phihlelelo.
Dikgontšhi tša Molao wo o lego mabapi le ditsela tša porofense di tša diragatšwa ka go swana le ka go ditsela tša phihlelelo, ntle le ka mokgwa wo mongwe goba go bonagala ga botse gore ga go a swanela.
Mo nakong yeo e beilwego morago ga go tsebagatšatsela ya porofensi goba seporo ka tlase ga karolo ya 11, goba lefelo la thibelo ya go aga leo le fokoditšego goba leo le okeditšwego ka tlase ga karolo ya 12, goba mo tsela ya phihlelelo e tsebagaditšwego ka tlase ga karolo ya 13, Molekgotla Phethiši o swanetše gore ka go ngwala a dire kgopelo go Mongwadiši wa Dititi yo a nago le matla, go dumela ntlha ya tsebagatšo yeo go tumelelo ya bong bja naga yeo e angwago ke tsebagatšo. Mongwadiši wa Dititi o swanetše go fana ka tumelelo ka mokgwa o fe goba o fe wo ka wona a bonago go lebane.
Tumelelo ka tlase ga karolo ya 1 e tla šoma bjalo ka ntlha yeo e hlalošitšwego ka go karolo ya 316a goba 325, ka mo go ka bago ka gona, ya Molao wa Ngwadišo ya Dititi, 1937 Molao wa Nomoro ya 47 wa 1937.
Botšeakarolo bja setšhaba
Mo nakong yeo e beilwego pele ga go tšea magato ao a hlalošitšwego ka go karolwana ya , Molekgotla Phethiši o swanetše go -
a tsebiša beng le badudi ba lefelo leo le tla amegago le mahlakore a kgahlego le ao a amegilego, mme ka mokgwa wo o beilwego ka go ngwalwa goba ka sengwalwa sa kwalakwatšo ka mokgwa wo o beilwego, ka ga mokgwa le maikemišetšo a magato ao a šišintšwego le lefoko leo le kwagalago ga botse la seo, le mabaka a magato ao;
b fa motho yoo matšatši ao a sego ka tlase ga a 12 go dira tshwaetšo le ditlhagišo mabapi le seo;
c tšea magato a mngwe ao a ka bego a beilwe; le d go latela Molao wa Kgodišo ya Toka ya Tshepetšotaolo, 200 Molao wa Nomoro ya 3 wa 2000
Molekgotla Phethišo o swanetše go ela šedi tshwaetšo ye nngwe le ye nngwe le ditlhagišo tšeo di amogetšwego pele a tšea sephetho sa go tšwela pele ka magato.
Magato ao ka wona go diragatšwago karolwana ya 1 le 2 ke ao a latelago:
a Tsebagatšo ya ditsela tša porofense goba seporo, goba go fetola, go tswalela goba go di aroša ka tlase ga karolo ya 111, goba go phumula goba go fetola tsebišo ya mabapi le seo ka tlase ga karolo ya 113;
b Tsebagatšo ya tsela ya phihlelelo ka tlase ga karolo ya 113 goba go phumula goba go fetola tsebišo ya mabapi le seo ka tlase ga karolo ya 112;
c Go tswalela goba go aroša tsela ya porofense ka tlase ga karolo ya 17, ntle le ge go le kotsi goba go sa kgonege mo seemong seo go tsea magato ao a hlalošwago ka go 171;
d Go tšea naga goba tokelo ya naga ka tlase ga karolo ya 191;
e Go hwetša materiale tlase ga karolo ya 21 1;
f Go aroša meetse a pula ka go lefelo ka tlase ga karolo ya 41 1; goba g Go ntšha taelo yeo e ngwetšwego go aroša phihlelelo goba tsela ya go tšwa ka tlase ga karolo ya 437.
Tsebagatšo ya tswalelo ya ditsela tša porofense, diporo le ditsela tša phihlelelo
Mo Molekgotla Phethiši a fetolago goba a ganetšago tsebišo yeo e tsebagatšago kgodišo go karošo ya go ya go ile ya tsela ya porofense, seporo goba tsela ya phihlelelo goba karolo ya yona, goba mo Molekgotla Phethiši a tsebagatšago gore tsela ya porofense, seporo goba tsela ya phihlelelo goba karolo ya yona e tla tswalelwa go ya go ile, mo e lego gore lefelo leo le amegago ga le sa hlokagala mabakeng a tsela goba seporo, mme go šetše go lefilwe hlatswadiatla –
a Molekgotla Phethiši a ka tšea sephetho, morago ga go ikopanya le masepala, sa gore tsela, seporo goba karolo tšeo e sa hlwego e le tsela ya porofense, seporo goba tsela ya phihlelelo di tla wela ka tlase ga taolo ya masepala yoo; goba b ge Molekgotla Phethiši a sa tšee sephetho seo, mme go se na kwano yeo e fihletšwego ka tlase ga temana ya c, naga goba ditokelo tšeo go lefetšwego hlatswadiatla go tšona, e tla ba tša Porofense ka letšatši leo tsebagatšo e dirilwego ka lona, mme Mongwadiši wa Dititi yo a nago le matla o swanetše go tsenya dintlha tšeo ka gare ga Ngwadišo ya Dititi ka kgopelo ya Molekgotla Phethiši; goba c Molekgotla Phethiši le mong wa lefelo leo tsela, seporo goba karolo di lego go lona ba ka kwana gore mong o tla lefela Molekgotla Phethiši ka boleng bja nako yeo bja mebaraka bja lefelo leo tsela, seporo goba karolo di lego go lona, mme mo lebakeng leo lefelo le tla wela ka botlalo ka tlase ga taolo ya mong o ka re tsela, seporo goba karolo ga se ya ka ya tsebagatšwa bjalo ka tsela ya porofense, seporo goba tsela ya phihlelelo, mme go ka se be le hlatswadiatla yeo e lefelwago mong wa lefelo leo tsela, seporo goba karolo di lego go lona ka lebaka la tšeo goba tsebagatšo ye.
Mo Molekgotla Phethiši a fetolago goba a ganetšago tsebišo yeo e tsebagatšago kgodišo go karošo ya go ya go ile ya tsela ya porofense, seporo goba tsela ya phihlelelo goba karolo ya yona, goba mo Molekgotla Phethiši a tsebagatšago gore tsela ya porofense, seporo goba tsela ya phihlelelo goba karolo ya yona e tla tswalelwa go ya go ile, mo e lego gore lefelo leo le amegago ga le sa hlokagala mabakeng a tsela goba seporo, mme go sešo gwa lefelwa hlatswadiatla ya lefelo leo le amegago, Molekgotla Phethiši ga a na maikarabelo a go lefela hlatswadiatla ya lefelo leo tsela, seporo goba karolo di lego go lona, mme mo lebakeng leo lefelo le tla wela ka botlalo ka tlase ga taolo ya mong o ka re tsela, seporo goba karolo ga se ya ka ya tsebagatšwa bjalo ka tsela ya porofense, seporo goba tsela ya phihlelelo
Go tswalelela dinamelwa ditsela tša porofensi
Go ya ka Molao wa Bosetšhaba wa Dinamelwa tša Tsela, 1996 (Molao wa Nomoro ya 93 wa 1996), Molekgotla Phethiši a ka, morago ga tsebišo, bjalo ka ge a ka bona go swanetše –
a tswalelela goba a aroša dinamelwa go tsela ya porofense lebakanyana goba go ya go ile go e lokiša;
b nako le nako ge go swanetše, mo mabakeng a mangwe ntle le ao a hlalošitšwego ka go temana ya a –
i tswalelela dinamelwa tša legoro leo le itšeng go tsela ya porofense lebakanyana goba go ya go ile ; goba ii go tswalelela dinamelwa tšohle mo tseleng ya porofensi lebakanyana
Ga go motho yo a swanetšego go šomiša tsela ya porofense yeo e tswaletšwego ka tlase ga karolwana ya 1, mme motho o fe goba o fe yo a dirago seo o tla bonwa molato.
Mo tshenyego thwii goba ya lefelo e hlolegilego ka lebaka la karošo go ya ka karolwana ya 1a Molekgotla Phethiši o swanetše go lefa mong wa lefelo hlatswadiatla yeo go tla kwanwago ka yona, ge ba sa fihlelele kwano, bjalo ka ge go beilwe ka go karolo ya 30, ditshenyegelo di tla balwa mme tša fiwa go ya ka karolo ya 31.
Ntle le mabakeng a tšhoganetšo, bjalo ka ge go beilwe, Molekgotla Phethiši a ka se aroše dinamelwa go tšwa go tsela ya porofense go tsena go tsela ya masepala goba mmila ntle le go ikopanya pele le masepala yo a amegago.
Tsebagatšo ya tsela ya porofense, seporo goba tsela ya phihlelelo
Mo Molekgotla Phethiši a tsebagatšago tsela ya porofense seporo goba tsela ya phihlelelo, goba a e godiša goba a aroša tsela yeo goba seporo go ya go ile ka tlae ga karolo ya 11 le 13, Molekgotla Phethiši o swanetše go lefela mong wa lefelo hlatswadiatla mabapi le lefelo leo le kgabaganywago ke tsela yeo goba seporo goba go godišwa goba go arošwa ga tsela yeo, bjalo ka ge go kwanwe, goba ge go sa fihlelelwe kwano, e tla ba go ya ka Molao wo.
Mašokotšo ao a hlalošwago ka go karolo ya 283 a tla lefelwa mo matšatšing a 60 morago ga tsebagatšo mabapi le hlatswadiatla yeo e lefelwago ka tlase ga karolo ya 282.
Mo tsela ya porofense seporo goba tsela ya phihlelelo di arošitšwego go ya go ile ka gare ga mellwane ya lefelo leo tsela le seporo di bego di le ka go lona, hlatswadiatla e tla lefelwa go ya ka ge boleng bja mmaraka bja lefelo leo le kgabaganywago bo feta boleng bja mmaraka bja lefelo leo le kgabaganywago ke karošo bja pele.
Tšewo ya naga le ditokelo tša naga
Molekgotla Phethiši a ka re ka tsebišo go mong, a tšea naga goba tokelo ka go naga mme a dira gore e ngwadišwe ka leina la Porofense, gore go agwe goba go lokišwe ditlabelotirišwa, goba ka lebaka leo le amanago thwii le dikgahlego tša Porofense mabapi le seo.
a tšeago naga go ya ka karolwana ya 1; goba b tsebagatsago tsela ya porofense seporo goba tsela ya phihlelelo goba mo a tsebagatsago gore tsela yeo goba seporo seo di tla ba moo goba mo a fetolago maemo a tsela yeo goba seporo seo goba a tswalela goba a aroša tsela yeo goba seporo seo ka tlase ga karolo ya 111 goba 131.
mme Molekgotla Phethiši a akanyago gore mašaledi a lefelo goba karolo ye nnwe ya yona ga e sa na mohola go mong, goba ga e sa šomega ka go temo, e tla ba toka go mong goba e tla ba ka go kgahlego ya Porofense, Molekgotla Phethiši a ka tšea mašaledi goba karolo ya lefelo leo ka go tsebiša mong.
Mo naga e tšewago ka tlase ga karololwana ya 1 goba 2, Molekgotla Phethiši o swanetše go lefela go ya ka karolwana ya 4 –
a ditshenyegelo tša tshenko survey le neelano; le b hlatswadiatla yeo e tlago kwanelwa le mong goba ge go sa fihlelelwe kwano, e tla ba go ya ka Molao, ge e le gore hlatswadiatla yeo ga e fete tšhelete yeo e hlalošitšwego ka go karolo ya 281, go ya ka karolo yeo.
Mong wa lefelo a ka se hlatswiwe diatla ge hlatswadiatla e be e šetše e lefetšwe lefelo leo le tšerwego nakong ya ge tsela yeo e amegago goba seporo di be di tsebagatšwa, ge go le ka mokgwa wo, goba ge e le gore hlatswadiatla e lefetšwe, e ka ba go lefelo ka bo lona goba bjalo ka tahlegelo goba tshenyego, ka phokotšego ya boleng bja lefelo leo nakong ya tsebagatšo, pego goba tšewo ya tsela yeo e amegago goba seporo.
Go tsena ka go, goba go tšea naga
1 Go ya ka karolwana ya 2, 4, 5, 6, Molekgotla Phethiši a ka tsena ka gare ga lefelo le fe goba le fe le bašomi bao ba swanetšego, metšhene, dinamelwa, ditlabelo, didirišwa, goba materiale go diragatša goba go šoma ka tlase ga mmu goba mo lefelong leo dinyakišišo, tshenko, tebelelo goba mošomo o fe goba o fe wo Molekgotla Phethiši a ka o bonago o nyakega mabapi le kago goba tlhokomelo ya ditlabelotirišwa di fe goba di fe tša dinamelwa goba go tsea lefelo ga nakwana lebakeng la mabapi le ago goba tlhokomelo ya ditlabelotirišwa tšeo.
Mo mong goba modudi wa lefelo ba gananago le magato a Molekgotla Phethiši go ya ka karolwana ya 1, Molekgotla Phethiši o swanetše go fa mong goba modudi tsebišo yeo e ngwetšwego ya maikemišetšo a Molekgotla Phethiši go diragatša seo e sego ka tlase ga matšatši a šupa pele lefelo le tsenwa, go diragatša maikemišetšo ao lefelo le nyakelwago wona, mediro yeo e ka diragatšwago mo lefelong mabapi le maikemišetšo ao le batho bao ba tlago diragatša seo, le mekgwa ya tiragatšo.
Mo mong goba modudi wa lefelo ba gananago le magato ao a šišinywago, ba ka bontšha kganetšo yeo ka go ngwala mo diiring tšeo di sego ka tlase ga tše 48 pele ga tseno yeo e šišintšwego mo lefelong leo, mme Molekgotla Phethiši o tla ela šedi kganetšo yeo. Ge e le gore Molekgotla Phethiši o akanya gore kganetšo ga se ya ithekga godimo ga mabaka ao a kwagalago, goba a akanya gore ke ka kgahlego ya setšhaba go tšwela pele ntle le dikganetšo, Molekgotla Phethiši o swanetše go tsebiša mong le modudi ka tshwanelo pele a tsena mo lefelong leo.
Dikgontšhi tša karolwana ya 1 di ka se šomišwe go tsena ka ntlong yeo go dulwago ka go yona goba ka go moago wo mongwe mo lefelong wo o šomišwago go dula ntle le ge modudi wa ntlo goba moago wo mongwe a dumelela Molekgotla Phethiši go tsena mo mabakeng a go diragatša mošomo wo o hlalošitšwego ka go karolwana ya 1.
Mo Molekgotla Phethiši go ya ka karolwana ya 1 a tšeago naga ga lebakanyana lebakeng la go -
a bea goba go aga moago, mokutwana, tente goba sehlangwa se sengwe go bea bašomi bao ba šomago ka go ditlabelotirišwa tša dinamelwa goba go dira mošomo wo mongwe wo o lego mabapi le seo;
b dira polokelo, moago wa mošomotlhamo, metšhene, didirišwa goba tše dingwe ge Molekgotla Phethiši a bona go swanetše go aga le go lokiša ditlabelotirišwa tša dinamelwa.
Molekgotla Phethiši o swanetše go lefela mong tšhelete ya khirišo yeo go kwanwego ka yona, ge go pala go fihlelela kwano bjalo ka ge go beilwe ka go karolo ya 30, mme ditshenyegelo di tla balwa mme tša fiwa go ya ka karolo ya 31.
Mo mabakeng a go diragatša ditokelo ka tlase ga karolo ye, Molekgotla Phethiši a ka re, morago ga go tsebiša mong, a bula ditsela goba mašoba mo legoreng, mabota le magora, ge e le gore mašoba ao a tla tswalela ka hlokomelo go thibela bašwahli goba diphoofolo nakong ya tiragatšo ya mošomo mme legora la bušetšwa sekeng ge mošomo o phethilwe, le gore melete yeo e epilwego nakong ya tiragatšo ya mošomo yeo e ka hlolago kotsi e swanetše go dikološetšwa ka legora, e ka tswalelwa goba e bolokege ka mokgwa wo mongwe ge mošomo o phethilwe.
Molekgotla Phethiši o swanetse go lokiša le go lefela tshenyo yeo e hlotšwego ke mediro yeo e diragaditšwego goba go ya ka karolwana ya 1, ntle le ge tshenyo e be e se ka maikemišetšo goba e le mošomo wa go hloka šedi goba go se be gona ga Kgoro goba bašomi ba yona.
Go tšewa ga materiale
Molekgotla Phethiši a ka, go ya ka karolwana ya , tšea goba a tloša goba a dira gore o tšewe gobago tlošwe materiale mo lefelong wo o nyakegago go aga goba go lokiša ditlabelotirišwa tša dinamelwa, mme a ka tšea lefelo leo ga lebakanyana lebakeng la go hwetša materiale woo.
a Molekgotla Phethiši a ka kgetha lefelo leo go tšwa go lona, materiale wo o hlalošwago ka go karolwana ya 1 o ka tšewago, mme o swanetše go tsebiša mong ka ga lefelo leo; mme b mong a ka re, mo matšatšing a 14 morago ga kamogelo ya tsebišo, a šupa lefelo le lengwe ka gare ga mellwane ya lefelo lona leo le swanago, mme ge e le gore Molekgotla Phethiši o akanya gore lefelo leo le lengwe le lokile e bile le a fihlelelega mme le tla fa materiale wo o nyakegago, gona materiale o tla tšewa lefelong leo mong wa lefelo a le šupilego.
Mo Molekgotla Phethiši a tšeago materiale ka tlase ga karolo ye, Molekgotla Phethiši o swanetše go bušetša lefelo sekeng sa lona le go le kaonafatša go ya ka melao yeo e beilwego ya tikologo mme -
a mo pušetšomorago le tokišo di sa thušego go lokiša lefelo ka botlalo go swana le mathomong; goba b mo mong a bonego tahlegelo goba tshenyo ka go tšewa ga materiale, Molekgotla Phethiši o swanetše go lefa mong hlatswadiatla ya tahlegelo goba tshenyego mo lefelong bjalo ka ge go ka kwanwa, ge go pala go fihlelela kwano bjalo ka ge go beilwe ka go karolo ya 30, mme ditshenyegelo di tla balwa mme tša fiwa go ya ka karolo ya 31.
Go tla diragatšwa karolo ya 206 ge go tšewa materiale ka tlase ga karolo ye.
Go wiša le go tšwa meagong goba dihlangwa
Mo Molekgotla Phethiši a bonago go swanetše go hlama, go aga go lokiša ditlabelo di fe goba di fe tša dinamelwa , goba polokego ya dinamelwa go tsela ya porofensi goba seporo, goba polokego ya badudi ka gare ga moago, a ka re morago ga go hwetša tumelelo ya mong yo a amegago, a wiša goba a tloša moago goba sehlangwa se sengwe le se sengwe goba karolo ya sona, ga go kgathatšege gore se ka gare goba ka ntle ga tsela goba tseleng ya seporo, mme mo mabakeng ao a ka kgopela motho go tšwa mo nakong yeo e bewago ke Molekgotla Phethiši, go ya ka karolwana ya .
Ge mong goba motho yo a dutšego ka go moago goba sehlangwa seo se hlalošwago ka go karolwana ya 1 a sa dumele tiragatšo yeo e amegago, Molekgotla Phethiši a ka ikopanya le kgorotsheko ya maleba go ntšha taelo yeo e matlafatšago Molekgotla Phethiši go diragatša magato ao.
Mo Molekgotla Phethiši a diragatšago ka tlase ga karolwana ya 1, o swanetše go lefela mong hlatswadiatla bjalo ka ge go ka kwanwa, ge go pala go fihlelela kwano bjalo ka ge go beilwe ka go karolo ya 30, mme ditshenyegelo di tla balwa mme tša fiwa go ya ka karolo ya 31.
Mo motho a dutšego moagong ka semolao mo lefelong leo tsela ya porofense goba seporo di tsebagaditšwego goba lefelo le tšerwe ke Molekgotla Phethiši goba e le la Porofesnse goba Molekgotla Phethiši a nyaka lefelo leo go aga tsela, motho yoo o swanetše go tšwa moagong woo mo matšatšing a 30 go tloga letšatšing la tsebišo yeo e ngwetšwego ke Molekgotla Phethiši yeo e mo laelago go dira bjalo.
Motho yo a palelwago ke go tšwa moagong bjalo ka ge go nyakega ka tlase ga karolwana ya 1, goba yo a dulago ka moagong ka mo e sego molaong, o oba molato.
Karolo ye e ka se thibele ditokelo tša Molekgotla Phethiši go tšea magato kgahlanong le motho yo a hlalošwago ka go karolwana ya 1.
Ditsebišo tša go tsebagatša ditsela le ditsebišo tša tšewo
a a tsebagatsago tsela ya porofense goba seporo goba mo a oketsago bophara bja tšona ka tlase ga karolo ya 11; goba b mo a tsebagatsago tsela ya phihlelelo ka tlase ga karolo ya 13;
Molekgotla Phethiši o swanetše gore mo matšatšing a 60 a tsebagatšo a tsebiše mong goba beng ba lefelo leo le angwago ke tsebagatšo ka tsebišo yeo e fiwago mong goba beng ba lefelo ka poso yeo e netefaditšwego.
Mo Molekgotla Phethiši a tšeago lefelo goba tokelo mo lefelong ka tlase ga karolo ya 19, Molekgotla Phethiši o swanetše go ntšha tsebišo ya tšewo ya lefelo mme a e fe mong ka seatla goba ka poso yeo e netefaditšwego.
Tsebišo yeo e hlalošwago ka go karolwana ya 1 goba 2 e swanetše go -
a ba le tlhalošo ka botlalo yeo e kwešišagalago ya lefelo goba tokelo yeo e amegago, goba, ge e le karolo ya lefelo, go swanetše go fiwa tshedimošo yeo e tletšego, ka mokgwa wa peakanyo ya sethalwa seo se bontšhago maemo a maleba a karolo yeo, se bontšha le bogolo bja yona, goba mo go nyakegago, ka mo Molekgotla Phethiši a ka bonago go kgotsofatša sa bontšha ka kakaretšo boyo le mo tsela e tla bago gona goba karošo ya yona goba bogolo bja koketšo le mo koketšo e lego gona.
b bontšha letšatši la tšewo mme mo go swanetšego, e bontšhe letšatši leo ka lona Porofense e tlago tšea lefelo.
c Lemoša mong dikarolo tša 261 le 284aii.
Mo e lego karolo ya lefelo, mong a ka kgopela Molekgotla Phethiši ka go ngwala mo matšatšing a 30 a tsebišo go fana ka dintlha, tšeo di swanetše go fiwa mo matšatšing a 60 morago ga go amogela kgopelo, moo letšatši la tsebišo yeo e nago le dintlha le tla tšewa bjalo ka letšatši la tsebišo ya tšewo.
Ge mong a sa tšebje mo a lego goba ge e le gore Molekgotla Phethiši o kgotsofetše gore go ka se kgonege go fa mong tsebišo, goba ge e le gore lefelo le na le moemedi mme Molekgotla Phethiši ga a tsebe gore moemedi yoo ke mang goba e tla ba mang, Molekgotla Phethiši o tla dira gore tsebišo e tsebagatšwe ga tee ka go Kasete ya Porofense le ga tee ka beke mo dibekeng tše pedi tšeo di latelanago ka go kuranta yeo e balwago lefelong leo thoto yeo e lego gona,
Molekgotla Phethiši a ka se ntšhe tsebišo yeo e hlalošwago ka go karolwana ya 1 ntle le ge lefelo leo le tšerwego ke tsela, seporo karošo goba koketšo le bontšhwa mo sethalweng seo se lego gona go ka hlahlobja ke batho bao ba nago le kgahlego le gore lefelo le kgaotšwe ka dipakana goba ka mokgwa wo mongwe wa maleba, mme tsebišo e na le setatamente sa gore sethalwa seo se gona le gore se hwetšagala kae le gore dipakana le mekgwa ye mengwe yeo e lebanego di hlomilwe.
Tsebišo yeo e tsebagatšago phokotšo ya bophara bja tsela goba lefelo la tsela ya seporo goba gore tsela ya porofense le seporo di ka se hlwele di feta mo lefelong leo, e tla fiwa mong ka seatla goba ka poso yeo e netefaditšwego, mme go tla diragatšwa karolwana ya 3, 4, 5, le 6 mo mabakeng ao le diphetogo tšeo di swanetšego.
Go fetetša pele bong mo lefelong leo le di tšerwego
Bong bja lefelo leo le tšerwego ka tlase ga karolo ya 19 e tla ba bja Porofense go tloga ka letšatši la tšewo, le tla ntšhiwa go ditlamo ka moka tša motekeitši mme le tla angwa ke ditokelo ka moka tsa ngwadišo, ntle le, goba go fihlela ditokelo tšeo le tšona di tšewa.
Magareng ga letšatši la go tsebagatša tšewo le letšatši la Porofense la go tšea lefelo, mong wa lefelo leo le tšerwego -
a tla ba le maswanedi a go šomiša lefelo le go hwetša letseno go tšwa go thoto;
b tla ba le maikarabelo a go lefela motšhelo le tše dingwe mo lefelong; mme o swanetše go hlokomela le go lokiša lefelo gore le dule le le seemong seo le bego lei le go sona ka letšatši la tšewo; fela Molekgotla Phethiši o swanetše go hlatswa mong diatla mo ditshenyegelong tša gagwe tšeo a di hweditšego mabapi le go hlokomela lefelo, ge mong ka boomo goba ka bohlaswa a sa dire seo mme boleng bja lefelo bja fokotšega, Molekgotla Phethiši a ka nyaka tšhelete ya boleng bjo bo fokotšegilego go mong.
Ge Mong le Molekgotla Phethiši ba retelelwa ke go kwana ka letšatši la tšewo ya lefelo, mong a ka fa Molekgotla Phethiši tsebišo ka go ngwala mo matšatšing ao a sego ka tlase ga a 21 a bontšha letšatši leo ka lona a kganyogago gore Porofense e ka tšea lefelo, mme Porofense e tla tšewa gore e tšere lefelo ke lona letšatši leo.
Molekgotla Phethiši a ka šišinya go mong tšhelete ya hlatswadiatla ya lefelo ka go tsebišo yeo e hlalošwago ka karolo ya 23 mme mo go sego gwa šišinywa selo, go swanetše go dirwa bjalo mo matšatšing a 60 morago ga fao.
Mo mong a bontšhitšego ka tlase ga karolo ya 261 tšhelete yeo a e kgopelago bjalo ka hlatswadiatla mme a file tshedimošo yeo e nyakegago ka go karolwana yeo, mme Molekgotla Phethiši a sa dumele tšhelete yeo, Molekgotla Phethiši o swanetše go šišinya tšhelete ya hlatswadiatla go mong, yeo e ka swanago goba ya se swane le tšhišinyo yeo e dirilwego ka tlase ga karolwana ya 1, mo matšatšing a 60 morago ga go amogela kgopelo, mme a bontšhe tšhelete yeo e šišinywago ka tlase ga ye nngwe le ye nngwe ya dikarolo tša 281a le b.
a Ntle le ge mahlakore a kwane ka mokgwa wo mongwe, mong o tla tšewa gore o dumetše tšhišinyo yeo e dirilwego ke Molekgotla Phethiši, mo mong a palelwago ke go dira kgopelo go kgorotsheko yeo e swanetšego gore e ahlole pele ga letšatši leo le beilwego ke Molekgotla Phethiši ka tsebišo ya go ngwalwa go mong.
b Tsebišo go ya ka temana ya a e swanetše go romelwa go mong wa lefelo mo nakong ya go se fete dikgwedi tše seswai pele ga letšatši leo le hlalošwago ka go tsebišo mme Molekgotla Phethiši o swanetše go lemoša mong ka tsebišo yeo e ngwetšwego mo matšatšing ao a sego ka tlase ga a 60 pele ga letšatši leo.
Mo mabakeng a ditshenyegelo, kgopelo goba tšhišinyo yeo e dirilwgo e tla šomišwa go fihlela e dumelwa goba e engwa legatong ke kgopelo ye nngwe goba tšhišinyo ka go ngwalwa.
Lehlakore le lengwe le ka kgopela le lengwe dintlha tše dingwe mabapi le kgopelo goba tšhišinyo tšeo di swanetšego go hlagišwa mo matšatšing a 60 morago ga go hwetša kgopelo, ge go pala seo lehlakore leo le amegago le ka ikopanya le kgorotsheko bjalo ka ge go hlalošwa ka go karolo ya 301 gore go ntšhwe taelo yeo e laelago lehlakore le lengwe go dira seo.
Mošomo wa mong wa lefelo leo le tšerwego
Mong wa lefelo leo le tšerwego go ya Molao wo, e ka ba ga lebakanyana goba go ya go ile, o swanetše gore a re mo matšatšing a 60 go tloga letšatšing la tsebišo, a iše setatamente seo se ngwetšwego go Molekgotla Phethiši mo a bontšhago gore –
a hlatswadiatla e filwe ka go tsebišo ya tšewo, gore naa tšhišinyo yeo e a amogelega naa, mme gee le gore go be go se na tšhišinyo yeo e dirilwego goba ge e le gore tšhišinyo ga e dumelelege, tšhelete yeo e kgopetšwego le dintlha ka botlalo tšeo di bontšhago mokgwa wo ka wona tšhelete yeo e šomilwego ka wona le dintlha ka botlalo tša dikaonafatšo tšeo go ya ka kakanyo ya mong wa lefelo di nago le khuetšo go boleng bja lefelo leo;
b Ge e le gore lefelo leo -
i le be le hirišitšwe pele ga letšatši la tsebišo ka botlalo goba karolo ya lona ka tlase ga khirišo yeo e sa ngwadišwago, a bontšhe aterese le leina la mohiri mme a tsenye lengwalo la khirišo goba kgatišo ya lona, goba dintlha ka botlalo tša lona ge e le gore ga se la ngwalwa;
ii le be le rekišitšwe pele ga letšatši la tsebišo, leina le aterese ya moreki le kontraka yeo e amegago goba kgatišo ya yona;
iii go agilwe moago mo go lona wo o fago moagi tokelo ya go o tšea ka kontraka yeo e ngwedilwego ya boagi, leina le aterese ya moagi mme a tsenye kontraka gobakgatišo ya yona;
iv badudi ba hweditše ditokelo go lona ka tlase ga Molao wa Telefatšo ya Polokego ya Bong, 1997 Molao wa Nomoro ya 62 wa 1997, dintlha ka botlalo tša badudi bao;
c aterese yeo ka go yona mong wa lefelo a nyakago gore ditokomane tša mabapi le tšewo di romelwe go yona.
Molekgotla Phethiši a ka telefatša nako ya matšatši a 60, ga tee fela, me o swanetše go dira seo go matšatši gape a 60 ge mong wa lefelo a kgopela seo ka go ngwala.
a kgopela mong wa lefelo go tliša thaetleletiti go Molekgotla Phethiši mo matšatšing a 60 goba dintlha tšeo di ngwetšwego tša motho yo a nago goba a laolago thaetleletiti;
Motho yo a fanago ka dintlha tšeo di fošagetšego ka boomo ka tlase ga karolo ye goba a palelwa ke go obamela kgopelo ka tlase ga karolo ye, o oba molato.
Tefelo ya tšhelete yeo e šišinywago bjalo ka hlatswadiatla
Mo Molekgotla Phethišo a dirilego tšhišinyo ya hlatswadiatla, Molekgotla Phethišo o swanetše go lefela, mo nakong yeo e sa fetego letsatši leo ka lona Porofense e tšeago lefelo, e sego ka tlase ga diperesente tše lesome seswai tša tšhelete yeo e šišintšwego go mong goba motho yo mongwe yo a amegago goba a e tsenye go Masetara wa Kgorotsheko ye Kgolo goba a e šomiše go lefela metšhelo goba ditefelo tše dingwe tšeo di hlalošwago ka go karolo ya 34.
Tefelo, tsenyo ya tšhelete goba tšhomišo ya tšhelete ka tlase ga karolwana ya 1 di ka se thibele hlatswadiatla ye nngwe go ya ka kwano goba kgorotsheko, fela ge e le gore tšhelete yeo e beilwego e ka tlase ga tšhelete yeo e lefelwego, e tsentšwego goba e šomišitšwego, mong wa lefelo, masetara goba masepala, ka mo go ka bago ka gona, ba swanetše o bušetša morago tšhelete yeo e šetšego go Porofense ga mmogo le mašokotšo bjalo ka ge go hlalošitšwe ka go karolo ya 283 go tloga letšatši tšhelete e lefetšwego goba e šomišitšwego ka lona mabapi le mong goba masepala, mme, mabapi le Masetara, mašokotšo ao a tswetšego.
Motheo wo hlatswadiatla e šongwago ka wona
Go ya ka karolwana ya , tšhelete ya hlatswadiatla yeo e lefelwago mong go ya ka Molao e ka se fete –
a ge e lefelo ntle le tokelo, palomoka ya -
i tšhelete yeo lefelo le ka bego le e hweditše ge le be le ka rekišetšwa moreki yo a ithaopago ke morekiši yo a ithaopago mo mmarakeng wo o bulegilego ka letšatši la tšewo, le ii tšhelete yeo e ka akaretšago ditshenyegelo tša tšhelete tšeo di hlotšwego ke tšewo; goba b ge e le lebakeng la tokelo, tšhelete yeo e ka akaretšago ditshenyegelo tša tšhelete tšeo di hlotšwego ke tšewo goba go tšewa ga tokelo.
Mo go se nago mmaraka wo o bulegilego wa thoto yeo, hlatswadiatla e ka bewa go ya ka tšhelete yeo e tla lefelwago ditshenyegelo tša dikaonafatšo mo lefelong, go etšwe hloko phokotšego ya boleng mo mabakeng a mangwe, bjalo ka ge e beilwe mo letšatšing la tšewo, goba ka mokgwa wo mongwe wo o swanetšego,
Ntle le selo se sengwe seo se lego kgahlanong ka go Molao wo, go tla tsenywa mo tšhelete ka go tšhelete ya hlatswadiatla yeo e lekanago le –
a diperesente tše lesome tša yona, ge e feta R100 000, mo go R100 000 ya mathomo; le b diperesente tše hlano tša tšhelete yeo ka yona e fetago R100 000 fela e sa fete R500 000; le c diperesente tše tharo tša tšhelete yeo ka yona e fetago R500 000 fela e sa fete R1000 000; le d peresente e tee ya tšhelete yeo ka yona e fetago R1000 000 go tekanyo ya.
)(a) Mašokotšo ao a tswalago go ya ka karolo ya 80 (a) ya Molao wa Taolo ya Ditšhelete tša Setšhaba, 1999 (Molao wa Nomoro ya 1 wa 1999 a tla, go ya ka karolwana ya . Lefelwa mo matšatšing a 60 morago ga gore Porofense e tšee lefelo go karolo e fe goba e fe ya hlatswadiatla yeo e lefelwago, ge -
i e le gore ga go na bonnete bja boitsebišo bja motho goba batho bao ba swanetšego go amogela hlatswadiatla, mašokotšo a ka se lefelwe go fihlela kgonono yeo e rarollwa ka kgotsofalo ya Molekgotla Phethiši, le ii mong wa lefelo a sa fihlelele dinyakwa tša karolo ya 261, mašokotšo a ka se lefelwe go fihlela letšatši leo dinyakwa tša karolwana yeo di fihleletšwe.
b hlatswadiatla le mašokotšo di tla tšewa bjalo ka ge di lefetšwe ka letšatši leo e lefetšwego ka lona goba e rometšwego go mong; le c ga go mašokotšo ao a tla lefelwago morago ga letšatši leo hlatswadiatla e lefetšwego ka lona, leo e tsentšwego go Masetara gova e šomišitšwego ka tlase ga karolo ya 34.
Mo mong wa lefelo leo le tšerwego a tšwelago pele go šomiša lefelo goba karolo ya lona, ga go mašokotšo ao a tlago lefelwa nakong ya tšhomišo goba tulo mo go hlatswadiatla yeo e swanetšego go lefelwa mabapi le lefelo leo le šomišwago goba le dutšwego.
Melawana yeo e latelago e tla diragatšwa ge go bewa hlatswadiatla ka tlase ga Molao wo:
a go ka se lefelwe alawense fela ka lebaka la gore lefelo le tokelo di tšerwe ntle le tumelelo ya mong;
b lebaka la gore lefelo le na le goba le be le na le mohola wo o ikgethang go Porofense le tla phaelwa thoko ge e le gore lefelo le be le ka se rekelwe lebaka leo ka go mmaraka wo bulegilego;
c ge e le gore boleng bja lefelo bo kaonafaditšwe ka go le šomiša ka mo e sego molaong, kaonafatšo yeo ga ya swanelwa go elwa hloko;
d dikaonafatšo tšeo di dirilwego ka morago ga letšatši la tsebišo ya tšewo di ka se elwe hloko ntle le ge di be di hlokagala go hlokomela lefelo goba ge e le gore di dirilwe e le ka go phethagatša maswanedi ao a kwanetšwego pele ga letšatši leo;
e ga go alawense yeo e tla fiwago go ditokelo tšeo di sego tša ngwadišwa mabapi le lefelo le fe goba le fe goba go tshenyo thwii e fe goba e fe goba se sengwe le se sengwe seo se dirilwego ka maikemišetšo a go hwetša hlatswadiatla ya sona;
f koketšego le phokotšego e fe goba e fe ya boleng, pele goba ka morago ga letšatši la tsebišo ya tšewo, yeo e ka bago ka lebaka leo ka lona goba mabapi le seo lefelo le tšewago goba le tlago go šomišetšwa sona, goba e le ka lebaka la mošomo o fe goba o fe goba mediro yeo porofense e ka e diragatšago goba e e dirilego go mabaka ao, di ka se elwe hloko;
g go tla elwa hloko -
i poelo ya motho yo a hlatswiwago diatla ka mešomo e fe goba e fe yeo Porofense e o dirilego legatong la motho yoo go mo hlatswa diatla go ditshenyegelo tša gagwe tšeo a tla di hwetšago ge go tšewa lefelo goba ge go tšewa tokelo, le iii poelo yeo e tla hwetšwago ke motho yoo ka lebaka la tšewo goba tšhomišo ya mabaka ao lefelo le tšeetšwego wona goba ao tokelo e tšeetšwego wona;
Khirišo yeo e sa ngwadišwago le ditokelo tša badudi ka mošomo le bahiri
Mohiri yo khirišo ya gagwe goba modudi ka mošomo bjalo ka ge go hlalošwa ka go Molao wa Phetolotokišo ya Naga (Badudi ka Mošomo), 1996 (Molao wa Nomoro ya 3 wa 1996), yo ditokelo tša gagwe goba mohiri yo ditokelo tša gagwe, di fedišitšwego ka tlase ga karolo ya 36 o tla, go ya ka karolwana ya 2 le 3 tša karolo ye, swanelwa ke hlatswadiatla bjalo ka ge o ka re ditokelo tša gagwe di be di ngwadišitšwe mabapi le lefelo leo le amegago leo le tšerwego ka letšatši la tšewo;
Molekgotla Phethiši o swanetše gore ka nako e tee le tsebišo ya tšewo yeo e fiwago mong, a romele mohiri, modudi ka mošomo goba modudi, tsebišo yeo a tsebago gore e a ba sedimoša ka ga tšewo, morago ga fao tsebišo e tla tšewa go ba tsebišo ya tšewo mabapi le ditokelo tša bona;
Ge mong wa lefelo leo le tšerwego a retelelwa ke go obamela karolo ya 261bi mme Molekgotla Phethiši a be a sa tsebe ka ga go ba gona ga khirišo goba ka ga modudi ka mošomo goba modudi pele ga go lefa hlatswadiatla go mong, Molekgotla Phethiši a ka se tlamege go hlatswa mohiri diatla, modudi ka mošomo goba modudi, fela mong o tla swanelwa ke go lefa mohiri, modudi ka mošomo goba modudi hlatswadiatla ya tokelo ya gagwe ka molaotlhakwa wo o amegago goba tshenyo yeo e diregilego ge tokelo ya gagwe e fedišwa.
Go ya ka karolwana ya , hlatswadiatla yeo e lefelwago go ya ka Molao wo e tla, ge go se na kwano, ge lehlakore le fe goba le fe leo le amegago le dira kgopelo, bewa ke Kgorokgolo ya Tsheko yeo lefelo le lego karolong ya taolo ya yona mo letšatšing la tšewo.
Tsheko yeo e hlalošwago ka go karolwana ya 1 -
a e swanetše go dirwa mme ya sepetšwa ka mokgwa wa tiragatšo;
b ga ya swanela go diragatšwa pele ga mafelelo a matšatši a 90 morago ga go kgopela hlatswadiatla ke motho yo a swanetšego ka go ngwala.
Molao wa tshepetšo wo o diragatšwago ka go tsheko ya tša leago ka go Kgorokgolo ya Tsheko yeo e amegago, o tla diragatšwa ka go tsheko yeo, go ya ka Molao wo le taelo, goba kahlolo ya kgoro e tla tšewa goba taelo goba kahlolo ka go tsheko ya tša leago.
Morago ga ge tsheko yeo e hlalošwago ka go karolwana ya 1 e beilwe, mme go sa kgathatšege se fe goba se fe seo se lego kgahlanong mo molaong o fe goba o fe goba melawana ya kgoro goba tiragatšo -
a moahlodi a ka -
i laela gore khonferense yeo e hlalošwago ka go molao wa 371a wa melawana ya Kgorokgolo ya Tsheko yeo e beilwego ka go Tsebišo ya Mmušo Molawana wa 48 wa 12 Tšanaware 1965 e swarelwe ka go diphapoši tša gagwe;
ii ntšha taelo mabapi le hlahlobo le merero ye mengwe yeo e golaganego le peakanyo ya le theeletšo ya tsheko; mme b kgoro e ka re ka matla a yona ya laola tshepetšo ya go ya pele ya tiragatšo ya tsheko.
Karolo ye e ka se thibele Molekgotla Phethiši le mong go iša ka kwano ngangišano mabapi le tšhelete ya hlatswadiatla yeo e swanetšego go lefelwa go ya ka Molao wo go motsenagare go ya ka Molao wa Botsenagare, 1965 Molao waa 42 wa 1965 goba go Banamodi ka mabaka ao a tla kwanelwago a Lehlakore le lengwe la tshepetšo ya tsheko leo le hlalošwago ka go karolwana ya 1 le ka, ka nako e fe goba e fe nakong ya theeletšo, la dira tšhišinyo yeo e ngwetšwego go lehlakore le lengwe go lokiša kgogano, mme e ka dira seo ntle le kgoreletšego;
b lehlakore leo le dirago ditšhišinyo le ka dumela ditefelo tša ditshenyegelo goba karolo ya tšona, mme ge le sa dire bjalo, le tla tšewa gore le šišintše go lefela lehlakore le lengwe ditshenyegelo ka lehlakore go lehlakore go fihlela ka letšatši la tšhišinyo;
c lehlakore leo le šišinyeditšwego le ka dumela tšhišinyo -
i ge e le gore e dirilwe mo matšatši ao a sego ka tlase ga a šupa pele ga go thongwa ga theeletšo, mo matšatšing a šupa, goba ii ge e le gore e dirilwe mo matšatši ao a sego ka tlase ga a šupa pele ga go thongwa ga theeletšo, mo diiring tše 24; goba iii ka tumelo ya lehlakore leo le dirilego tšhišinyo, nakong ye nngwe le ye nngwe;
d tumelo ya tšhišinyo e tla fediša tshepetšo ya tsheko, ntle le dikgogano tšeo di lego mabapi le tlhalošo ya tšhišinyo goba ditshenyegelo;
e ge e le gore tšhišinyo yeo ya go fediša dikgogano ga e dumelelege mme kgoro e bea hlatswadiatla ya tšhelete yeo e lekanago le goba -
i e fetago tšhelete yeo e ššinywgo ke mong, kgoro e swanetše go laela Molekgotla Phethiši go lefela mong ditshenyegelo tšeo di hweditšwego morago ga letšatši la tšhišinyo;
ii tšhelete ya ka tlase ga tšhišinyo ya Molekgotla Phethiši, kgoro e swanetše go laela mong go lefa ditshenyegelo tša Molekgotla Phethiši tšeo di hweditšwego morago ga letšatši la tšhišinyo;
f kgoro e swanetše gore mo matleng a yona e tšee sephetho ka ga ditshenyegelo tšeo di hweditšwego morago ga letšatši la tšhišinyo;
mme g ge kgoro e ntšhitše taelo ka ga ditshenyegelo ntle le go tseba ka ga tšhišinyo yeo e sego ya dumelwa, mme kgano ya yona e tsebišitšwe kgoro mo matšatšing a mahlano go tloga letšatšing la kahlolo, ditshenyegelo di swanetše go lebelelwa go elwa seo hloko.
Tšhišinyo yeo e sego ya dumelwa e ka nna ya se utollelwe kgoro pele ga ge kahlolo e fiwa.
Mo hlatswadiatla e lefelwago ka tlase ga Molao wo go tšewo ya lefelo goba tokelo goba go tšea ga materiale, e ka nna ya se fete tšhelete yeo lefelo, go akaretšwa le dikaonafatšo, goba tšhelete yeo e tokelo e ka bego e e hweditše ge lefelo le be le rekišitšwe ka letšatši la tsebišo mo mmarakeng wo o bulegilego ke morekiši yo a ithaopang go moreki yo a ithaopang.
Ditaelo tša ditshenyegelo
Ge hlatswadiatla yeo e fiwago ke kgoro ka go tsheko yeo e hlalošwago ka go karolo ya 301 -
a e lekana goba e feta tšhelete yeo e kgopetšwego ke mong la mafelelo kgweding e tee pele ga letšatši leo ka lona tshepetšo ya tsheko e tsentšwego ka go rolo la mathomo, ditshenyegelo di swanetše go lefelwa ke Molekgotla Phethiši;
b e lekana goba e le e nnyane go tšhelete yeo šišintšwego ke Molekgotla Phethiši kgweding e tee pele ga letšatši leo le hlalošwago ka go temana ya a, ditshenyegelo di swanetše go lefelwa ke mong;
c e le ka tlase ga tšhelete yeo e kgopetšwego ke mong la mafelelo fela e feta tšhelete yeo e šišintšwego ke Molekgotla Phethiši la mafelelo, ditshenyegelo tšeo tša mong di swanetše go lefelwa ke Molekgotla Phethiši tšeo di nago le karolo yeo e lekanago le phapano magareng ga hlatswadiatla yeo e filwego le tšhelete yeo e šišintšwego e lego phapano magareng ga tšhelete ya hlatswadiatla yeo e filwego le tšhelete yeo e kgopetšwego.
Go sa kgathatšege karolwana ya 1, kgoro e swanetše go tšea sephetho mo matleng a yona ka ga ditshenyegelo -
a mo morerong wo o sa hlalošwago ka go karolwana ya 1;
b ge lehlakore le sa obamela dikgopelo tša lehlakore le lengwe tša dintlha tša kgopelo goba tšhišinyo mo nakong yeo e amogelegago;
c ge , ka kakanyo ya kgoro, maitshwaro a lehlakore le lengwe pele ga, goba nakong ya tsheko, a netefatša karogo go karolwana ya 1.
Mo mabakeng a go se kwane ga karolo ye le karolo ya 23, go tla diragatšwa karolo ya 23.
Melato ya ditshenyegelo le ditšhelete tša metšhelo tša lehlakore leo le tlago fiwa hlatswadiatla e swanetše go ntšhiwa mo tšheleteng, go akaretšwa le mašokotšo ge a le gona, ao a lefelwago lehlakore leo go ya ka taelo ya kgoro.
Tiragatšo ya kgopelo ya kgoro goba tshekoleswa
Mo kgopelo e dirilwego go ya ka karolo ya 30 go bea hlatswadiatla goba tshekoleswa kgahlanong le sephetho sa kgoro bjalo ka ge go hlaošitšwe ka go arolo yeo, dikgontšhi tše dingwe tša Molao wo di tla diragatšwa bjalo ka ge o ka re kgopelo goba tshekoleswa ga tša dirwa.
Ge thoto yeo e sa šuthego ka tlase ga Molao wo e be e ngwadišitšwe ka ponte ya motekeitši goba ka kontraka ya thekišo goba ka matla a bong a moagi ka letšatši la tšewo
Molekgotla Phethiši o swanetše gore, go ya ka karolo ya ya karolo ye le dikarolo tša 34 le 35, a se lefele karolo e fe goba e fe ya hlatswadiatla ntle le go motho yo, go ya ka mabaka ao a kwanego magareng ga mong le mong wa motekeitši, moreki goba moagi le ka moo Molekgotla Phethiši a begetšwego ke bona.
Mo mong a palelwago ke go obamela karolo ya 261bii goba iii mme moreki goba moagi a sa hwetšego karolo ya tšhelete ya hlatswadiatla go ya ka karolwana ya 1 ya karolo ye, mong o tla lefela moreki goba moagi tshenyego tšeo ba di hweditšego ka lebaka la tšewo mme Molekgotla Phethiši a ka se gapeletšege go lefelwa hlatswadiatla ya tshenyego yeo.
Ge mong le mong wa motekeitši moreki goba moagi ba palelwa ke go fihlelela kwano yeo e hlalošwago ka go karolwana ya 1, yo mongwe wa bona a ka dira kgopelo go kgoro ya tsheko yeo e hlalošwago ka go karolo ya 301 ya taelo yeo e laelago Molekgotla Phethiši go lefela tšhelete ya hlatswadiatla yeo e tlago bewa ke kgoro ya tsheko ka go ntšha taelo, go akaretšwa le taelo ya ditshenyegelo, bjalo ka ge e tla bona go lebane.
Tefelo ya metšhelo ya masepala
Molekgotla Phethiši o swanetše go romela kgatišo ya tsebišo ye nngwe le ye nngwe ya tšewo go masepala wo mongwe le wo mongwe yo thoto e lego ka lefelong la wona la taolo.
Masepala yoo o swanetše go tsebiša Molekgotla Phethiši ka metšhelo yeo e sa šaletšego goba tšhelete ye nngwe yeo e e kolotwago mabapi le thoto mo matšatšing a 30 morago ga go hwetša tsebišo ye.
Molekgotla Phethiši a ka šomiša tšhelete ya hlatswadiatla yeo e amegago go lefela metšhelo yeo goba tšhelete legatong la mong.
Ge e le gore thoto yeo e tšewago ka tlase ga Molao wo e be e le ka tlase ga taolo ya motho yo mongwe goba hlatswadiatla e lefelwa go motho yo aterese ya gagwe e sa tsebjego goba ge e le gore Molekgotla Phethiši ga a kgone go hwetša gore hlatswadiatla e tla lefelwa go mang, Molekgotla Phethiši a ka tsenya hlatswadiatla ka go Masetara wa Kgorokgolo yo a nago le matla, mme morago ga fao Molekgotla Phethiši MEC o ka se hlwele a na le maikarabelo a go lefela tšhelete yeo e tsentšwego.
Tšhelete yeo e hweditšwego ke Masetara e swanetše go -
a mo mabakeng a taolo ya motho yo mongwe, e be le lengwalo la bojalefa goba mokgwa wo mongwe wo o fago taolo ya motho; le b go ya ka temana ya a, e lefelwe ka go Sekhwama sa Bohlokomedi Guardian's Fund seo se hlalošwago ka go karolo ya 86 ya Molao wa Taolotshepetšo ya Dithoto, 196S Molao wa 66 wa 1965 go hola batho bao ba nago le maswanedi ao le go hwetša mašokotšo ka bogolo bjo bo tlago bewa ke Letona la tša Ditšhelete ka go maemo a mmušo wa bosetšhaba
Dikarolwana 1 le 2 di ka se ame taolo ya kgorotsheko e fe goba e fe go ntšha taelo mabapi le ditšhelete. 4 Ge go na le ngangišano goba dikgonono ka ga motho yo a swanetšego go amogela hlatswadiatla ka tlase ga Molao wo goba ge e le gore mong goba mong wa motekeitši, moreki goba moagi ga ba a tsebiša Molekgotla Phethiši gore hlatswadiatla e swanetše go lefelwa bjang, Molekgotla Phethiši MEC o swanetše go, go ya ka karolo ya 333 tsenya hlatswadiatla ka go Masetara.
Phedišo ya ditokelo tšeo di sego tša ngwadišwa ka tšewo
Ditokelo ka moka mabapi le lefelo leo le tšewago tšeo di sego tša ngwadišwa goba tša ngwadišwa ka go thaetleletiti ya tšona di tla fela ka letšatši la tšewo mme Molekgotla Phethiši a ka se tlamege go lefela hlatswadiatla e fe goba e fe ya ditokelo tšeo ntle le ge go bontšhwa thwii ka go Molao wo.
Ntle le molao wo mongwe, Molekgotla Phethiši a ka, ge a bona e le ka kgahlego ya setšhaba goba go lebane go ya ka mabaka a mangwe, gogela morago tšewo yeo e diragatšwago ka tlase ga Molao wo, ka go latela mokgwatshepetšo wo o beilwego ka go karolo ya 23, ka diphetogo tšeo di swanetšego, go tloga ka letšatši leo le bolelwagi ka go tsebišo yeo e amegago, fela tšewo ya thoto e ka se gogelwe morago -
a morago ga matšatši a 90 morago ga letšatši la tšewo, ntle le kwano yeo e ngwetšwego ya mong yo a amegago; goba b mo thoto e lego ya go šuthišwa, ge e le gore neelano ya yona e šetše e ngwadišitšwe ka leina la Porofense.
Molekgotla Phethiši o swanetše go hlatswa diatla motho o fe goba o fe go tshenyego thwii goba ka mokgwa wo mongwe ka lebaka la kgogelo morago ya tšewo.
Ge Porofense e šetše e lefile hlatswadiatla ya tšewo, e swanetše go lefelwa morago, mme e tla tšewa bjalo ka mokitlana wo o swanetšego go lefelwa Porofense.
Bong bja thoto e tla ba bja mong yo thoto e tšerwego go yena go tloga ka letšatši leo le hlalošwago ka go karolo ya 1, mme diponte di fe goba di fe, ditirelo le ditokelo tše dingwe tšeo di tlogetšwego goba di emišitšwe mabapi le tšewo di tla tsošološwa, mme Mongwadiši wa Dititi o swanetše gore ge a se na go amogela kgatišo ya tsebišo ya kgogelomorago ya tšewo, goba kwalakwatšo ya yona ka go Kasete, a phumule matla a fe goba a fe ao a ngwadilwego ka gare ga retšisetara go fa matla tšewo le go thaetleletiti yeo e amegago.
SERIPA SA 4
MEDIRO YEO E LEGO MABAPI LE DITLABELOTIRIŠWA TŠA DINAMELWA (dikarolo tša 38-49)
Tswalelo ya ditsela tša porofense ka kgopelo
Motho o fe goba o fe yo a ratago gore -
a tsela ya porofense ntle le tsela ya lephefo; goba b tsela ya phihlelelo, e tswalelwe, e arošwe goba e fetolwe ka mokgwa wo mongwe a ka dira kgopelo go Molekgotla Phethiši ka go ngwala ge a lefile tšhelete yeo e beilwego. Karolo ye e tla diragatšwa gape le ka go ditsela tšeo di sešogo tša agwa.
a Ge a se na go amogela kgopelo yeo, Molekgotla Phethiši o swanetše go kwalakwatša ka go Kasete ya Porofense le ka go pampiri yeo e balwago lefelong leo tsebišo yeo e dirago boipiletšo go mahlakore ao a nago le kgahlego go tliša ditšhišinyo le dikganetšo, tšeo di nago le mabaka, mo matšatšing a 30;
b kgatišo ya tsebišo e swanetše go romelwa kantorong ya magaseterata – wa selete seo se amegago mo matšatšing ao a sego ka tlase ga a 14 mme Molekgotla Phethiši a ka kgopela mokgopedi go romela goba go bontšha tsebišo mo mafelelong a karolo ye nngwe le ye nngwe ya tsela ka mokgwa wo o hlalošitšwego ka go karolwana ya 3, mo lebakeng leo le beilwego ke Molekgotla Phethiši.
Mo matšatšing a šupa ao tsebišo e kwalakwaditšwego a wona, mokgopedi o swanetše go bea diporoto tša tshedimošo mo mafelelong a karolo ye nngwe le ye nngwe ya tsela ya maleba tšeo di bonagalago go dinamelwa tšeo tlago mme di be ka enkele ya go lebelela tsela, di be ka mokgwa wo o beilwego mme di be le dintlha tšeo di beilwego.
Mokgopedi o swanetše go hlokomela diporoto tša tshedimošo tšeo di hlalošwago ka go karolwana ya 3 go fihlela kgopelo e dumelelwa goba e ganwa, mme mokgopedi o swanetše go tloša diporoto mo matšatšing a šupa, ge a retelelwa ke seo Molekgotla Phethiši a ka dira seo mme a nyaka ditshenyegelo go mokgopedi.
Morago ga go ela šedi ditshwaetšo le dikganetšo, ge di le gona, Molekgotla Phethiši a ka re, go ya ka karolwana ya 6, a dumela goba a ganetša kgopelo, mme mo e dumeletšwego, a tsebagatša gore tsela e tswaletšwe, e arošitšwe goba e fetotšwe ka tsebišo ka go Kasete ya Porofense mme o swanetše tsenya ka go tsebišo, seswantšhothalwa seo se bontšhago tswalelo goba phetogo.
Molekgotla Phethiši a ka, ka lebaka la go diragatša ka tlase ga karolwana ya 5, kgopela mokgopedi go -
c go aga tsela ya porofense yeo e amegago bjalo ka ge go laelwa ke Molekgotla Phethiši; goba d go lefela ka moka goba ditshenyegelo di fe goba di fe tšeo di hwetšwago ke Molekgotla Phethiši mo tshepetšong, mme Molekgotla Phethiši a ka laela motho yoo go fana ka polokego yeo Molekgotla Phethiši a ka bonago e lekane go diragatša lebaka leo.
Magora, difero bjalo bjalo.
Difero le difokotša lebelo tšeo di nyakegago mo magoreng ao a lego gona ka lebaka la karošo ya ditsela goba diporo goba ge go agwa diporo tše diswa mo ditseleng tšeo e sego ditsela tša maphefo, di ka fiwa goba tša agwa ke Molekgotla Phethiši, fela di swanetše go hlokomelwa ke mong wa lefelo leo sefero, sefokotšalebelo goba legora di lego ka go lona.
Ge kago ya tsela ye mpsha goba seporo goba karogo ya tsela goba seporo tšeo di lego gona ka Molekgotla Phethiši e gapeletša tlošo le kagoleswa ya legora leo le lego gona, sefero goba sefokotšalebelo tlošo yeo le kagoleswa le go dira ditsela tša go fetela go sefokotšalebelo e swanetše go diragatšwa ka ditshenyegelo tša Molekgotla Phethiši fela di swanetše go hlokomelwa ke mong wa lefelo leo sefero, sefokotšalebelo goba legora di lego ka go lona.
Mo difero tšeo goba difokotšalebelo di tlošitšwego goba di sentšwego ka mabaka ao mong wa lefelo a ka se a laolego, Molekgotla Phethiši a ka thuša mong wa lefelo ka tšhelete goba thušo ye nngwe go fana ka goba go di lokiša, seo se ka dirwa ka ditshenyegelo tša Molekgotla Phethiši.
Mong wa lefelo yo a retelelwago ke go hlokomela sefero goba sefokotšalebelo bjalo ka ge go nyakwa ke karolwana ya 1 le 2 go kgotsofatša Molekgotla Phethiši, o oba molato, mme ge go le bjalo, Molekgotla Phethiši a ka dira ditokišo mme a kgopela ditshenyegelo go mong wa lefelo.
a mo tseleng goba lefelong la seporo; goba b go bapa le mollwane wa tsela goba seporo, tsela ya porofense goba seporo, tšeo di agilwego kgahlanong le Molao wo goba le Molao wa Magora, 1963 Molao wa 31 wa 1963, goba le molao wo mongwe, le go aga legora mo mollwaneng wa tsela goba lefelo la seporo goba e le go obamela molao wo o amegago, bjalo ka mo go ka bago ka gona mme ditshenyegelo tša go tloša le kagoleswa di swanetše go lefša ke motho yo a agilego legora, sefero, sefokotšalebelo goba sehlangwa se sengwe, setswalelwa goba lepheko, fela Molekgotla Phethiši a ka se tlamege go lefela tshenyego yeo e hlagilego nakong ya tlošo le kagoleswa.
a Ga go motho yo a ka -
ii legora la mohlagase;
iii tlošago legora, lebota goba hetšhe goba karolo ya seo, goba iv a aga goba a kgomasetša mabone goba ditlabelo tša mabone mo legoreng goba lebotong ka mokgwa wo lebone le tlago bonegetša tsela ya porofense goba seporo;
go, goba go bapa le tsela ya porofense goba seporo ntle le tumelelo yeo e ngwetšwego ya Molekgotla Phethiši;
b ge a e fa tumelelo bjalo ka mo go hlalošwago ka go temana ya a, Molekgotla Phethiši a ka bontšha lefelo le mokgwa wo ka wona legora, leboto, hetšhe, mabone goba ditlabelo tša mabone di ka bewago mme a ka bea mapheko a tumelelo yeo, mme a ka nna a e gogela morago nako e fe goba e fe;
c motho yo a tlolago ditemana tša a goba a sa šome ka tumelelo yeo e hlalošwago ka go temana ya b o oba molato.
a Ge motho a aga legora, leboto, hetšhe, mabone goba ditlabelo tša mabone kgahlanong le Molao wo, Molekgotla Phethiši a ka, morago ga go tsebiša motho yoo, e tloša mme, mo go swanetšego, a aga leswa legora goba leboto ka maemo ao a swanetšego, fela Molekgotla Phethiši a ka se tlamege go lefela tshenyego yeo e hlagilego nakong ya tlošo le kagoleswa.
Motho o fe goba o fe yo a senyago legora goba sefero go, goba go bapa le tsela ya porofense goba seporo, e ka ba ka boomo goba ka mokgwa wo mongwe, o swanetše go bega tshenyego yeo go Kgoro ka mokgwa wo o beilwego mo nakong yeo e beilwego, mme go retelelwa ke seo go hlola molato.
Mong wa lefelo goba lefelo leo go bapa le lona tsela ya porofense le seporo di lego go lona yo a lemogago gore legora goba sefero mo go, goba go bapa le tsela goba seporo di senyegile, o swanetše go-
a bega tshenyego yeo go Kgoro ka mokgwa wo o beilwego mo nakong yeo e beilwego;
b mo mabakeng ao e lego gore diruiwa di ka tsena ka gare ga tsela goba seporo, goba go na le kotsi go bophelo le thoto, lokiša ka tšhoganetšo legora goba sefero go sa letetšwe ditokišo tša tshwanelo, go sa kgathatšege gore ke maikarabelo a mong wa lefelo go lokiša tshenyego, mme go retelelwa ke seo go hlola molato.
Ka go karolo ye "kago" e tla akaretša kagoleswa goba go tsenya materiale wo moswa ka gohle.
Kelelo ya meetse
Mo kago, tlhokomelo goba karogo ya tsela ya porofense goba seporo se tsenelanago le dipeakanyo tšeo di lego gona la kelelo ya meetse Molekgotla Phethiši o swanetše go fana le go hlokomela mekgwa ya kelelo ya meetse ka go, ka godimo ga, ka tlase goba go kgabaganya tsela goba seporo ka mokgwa wo Molekgotla Phethiši a bonago go swanetše, ka ditshenyegelo tša Porofense, ka mokgwa wo e lego gore ditokelo tša batho bao ba nago le dikgahlego go meetse ao ga ba amege gampe.
The Molekgotla Phethiši o swanetše go ikopnya le mahlakore ao a nago le kgahlego leo ao a amegago mabapi le magato ao a šišintšwego ao a tlago tšewa ka tlase ga karolwana ya 1, mme a ka dumela go fana ka magato a makaone le a ao a fapanego a go hlahla meetse ka kgopelo ya bona, mo go swanetšego ka ditshenyegelo tša bona.
Ga go motho yo a tlang go, ntle le ge a dumelelwa ke Molao wo goba molao wo mongwe -
a dira gore meetse a elele ka godimo goba ka go tsela ya porofense, seporo goba tsela ya phihlelelo goba ditlabelo tše dingwe tša dinamelwa ka go fetola tsela ya tlhago ya meetse goba ka mediro goba phetolo mo lefelong leo e lego mong goba modudi b šomiša senošetši goba setlabelo se sengwe ka mokgwa wo mongwe mo lefelong leo a lego mong goba modudi wo o dirago gore meetse a elele ka go tsela ya porofense, seporo goba ka go ditlabelo tše dingwe tša dinamelwa;
c hlahla meetse ka go, ka godimo, ka tlase goba go kgabaganya tsela ya porofense, seporo goba ka go ditlabelo tše dingwe tša dinamelwa ntle le tumelelo yeo e ngwetšwego ya Molekgotla Phethiši, ge e le gore seo se tla dirwa ka ditshenyegelo tša motho yoo le gore Molekgotla Phethiši a ka tšea sephetho ka ga legoro la tlhahlo leo le tla šomišwago goba kefošo yeo e ka šomišwago le mekgwa yeo di ka šomišwago ka yona le gore di hlangwe neng;
d oketša magomo a meetse a noka, moela goba tsela e fe goba e fe ya meetse goba a efoša tsela ya tlhago ya meetse a pula ka mokgwa wa go tsenelana le tsela ya porofense, seporo, leporogo, letšibogo goba ka go ditlabelo tše dingwe tša dinamelwa ntle le tumelelo yeo e ngwetšwego ya Molekgotla Phethiši.
Motho yo a dirago mediro yeo e hlalošitšwego ka go karolwana ya 3 o oba molato.
Tlhahlo ya meetse a pula
Molekgotla Phethiši o a ka efošetša meetse a pula go tšwa go tsela ya porofense, seporo go ya ka go tsela ya poraebete, go ya ka karolwana ya 2 le 3.
Ge e le gore lefelo leo la poraebete ke lefelo leo le nago le meago, ditšhemo, ditšhengwana goba dikaonafatšo tše dingwe goba lefelo leo le lemilwego, mediro yeo e hlalošitšwego ka go karolwana ya 1, e tla dirwa fela ka kwano le mong, ntle le ge meetse a pula a elela lefelong le tee pele ga tsebagatšo ya tsela goba seporo, mme mo kwano e sa fihlelelwego, Molekgotla Phethiši a ka tšea karolo ya lefelo yeo e lego maleba le maikemišetšo go ya ka karolo ya 19, goba ka tsebišo ka go Kasete ya Porofense a tšea tokelo ya lefelo gore a arošetše meetse ka go tsela ya meetse ya tlhago goba lefelong le lengwe leo le swanetšego.
Mo thoto ya poraebete e lego lefelo leo le lego ka godimo ga meago yeo, ditšhemo, ditšhengwana goba dikaonafatšo tše dingwe mo dimitareng tše 100 go tloga mollwaneng wa lefelo la tsela, seo se ka dirwa morago ga go ikopanya le mong wa lefelo, ntle le ge meetse a e tšwa lefelong le tee pele ga kago ya tsela goba seporo.
Mo Molekgotla Phethiši a hwetšago tokelo go ya ka karolwana ya 2-
a Mongwadiši wa Dititi o swanetše go ngwadiša thaetleletiti ya lefelo; mme b Molekgotla Phethiši o swanetše go lefela hlatswadiatla go mong wa lefelo bjalo ka ge go kwanwe goba ge go ka se fihlelelwe kwano, bjalo ka ge go beilwe ka tlase ga karolo ya 30, mme ka mabaka ao, ditshenyegelo di tla balwa mme tša fiwa ka tlase ga karolo ya 31.
Molekgotla Phethiši a ka se tlamege go lefela ditshenyego tšeo di hlotšwego ke karošo ka tlase ga karolo ya 1.
Mo mong wa lefelo a eletšago Molekgotla Phethiši gore lefelo leo le tlile go lengwa goba la tšweletšwa morago ga letšatši lao ka lona Molekgotla Phethiši a thomilego go efošetša meetse a pula ka go lona Molekgotla Phethiši a ka diragatša mediro yeo ya kelelo bjalo ka ge a bona go swanetše go fokotša tshenyego yeo e ka hlolwago ke meetse a pula ka kwano le, le ka ditshenyegelo tša mong w lefelo, mme mong wa lefelo a ka se kgopele Molekgotla Phethiši selo mabapi le seo.
Mo lefelo la poraebete leo ka go lona meetse a pula a efošeditšwego le arotšwego ka go ditene, dikgoba, dierefe goba mafelo a temo diyuniti tšeo di lego ka tlase ga diheketara tše 24 ka bogolo, Molekgotla Phethiši o swanetše go ikopanya le mong wa motsesetoropo wo o amegago goba mong mme a dumelela mong go tliša lenaneopeakanyo la kelelo ge e le gore mong wa lefelo o nyaka bjalo mme a beakanuyetše kelelo ya meetse a pula go latela lenaneopeakanyo yeo ka mo Molekgotla Phethiši a ka bonago go šomega ka gona.
Ge Molekgotla Phethiši a ka fetola sekimi sa kelelo ka kgopelo ya mong wa motsesetoropo goba mong, ditshenyegelo tša diphetogo tšeo di tla lefelwa ke mong yoo go Molekgotla Phethiši, ka tšhelete yeo le mokgwa wo o beilwego ke Molekgotla Phethiši.
Tsenelelo ya ditsela le ditsejana ka go ditsela tša porofense
Ga go motho yo a ka kgokaganyago tsela e fe goba e fe , tsejana ya maoto goba tsejana ya dipaesekela le tsela ya porofense ntle le tumelelo yeo e ngwetšwego ya Molekgotla Phethiši le pele ga go lefela tšhelete yeo e beilwego.
Kgopelo ya tumelelo ka tlase ga karolwana ya 1 e swanetše go dirwa ka mokgwa wo o beilwego, mme ge e fiwa, Molekgotla Phethiši a ka bea mokgwa le maemo a tsenelano le lefelo leo le mokgwa wo ka wona di swanetšego go dirwa, mme a ka bea mabaka a mapheko mabapi le kgokagano goba tšhomišo ya yona.
Molekgotla Phethiši a ka nna a gogela morago tumelelo yeo e filwego ka tlase ga karolwana ya 1 ge mong a sa obamele mabaka ao a mapheko.
Motho yo a tlolago karolwana ya 1 o oba molato, mme mo lebakeng leo, Molekgotla Phethiši a ka tswalela kgokagano mme a kgopela ditshenyegelo go motho yoo.
Go tsena le go tšwa go ditsela le diporo tša porofense
Go ya ka dikarolwana tša 2 le 3, ge go tsena le go tšwa go tsela ya porofense goba seporo go thibelwa ke legora leo le agilwego ka semolao. leboto, hetše, molete goba mapheko ao a swanago le ao go bapa goba kgauswi le lona, ga go motho yo a ka tsenago goba a tšwa go feta ka lefelong, ka tlase goba ka godimo ga legora leo, leboto, hetše, molete goba mapheko a mangwe ka go šomiša sefero, setaele, leporogo goba tsela ye nngwe, ntle le ge Molekgotla Phethiši a dumetše ka go ngwala, kago ya sefero, setaele, leporogo goba tsela ye nngwe mme tsela yeo e agilwe go ya ka tumelelo.
Ga go motho yo a ka -
a sepetša senamelwa godimo ga seporo sa porofense;
b sepetša senamelwa godimo ga tsela ya porofense ntle le seferong seo se dirilwego ka semolao lebakeng leo ; goba c sepetša senamelwa go tšwa go tsela ya porofense ntle le kgorong ya go tšwa ye e dirilwego ka semolao lebakeng leo.
Karolwana ya 1 e ka se diragatšwe go sefero seo se dirilwego semolao, setaele, leporogo goba tsela ye nngwe tšeo di bego di le gona mme di šomišwa ge karolo ye e tsenywa tirišong mme di be di se tša tswalelwa goba tša tlošwa nakong e fe goba e fe morago ga fao.
Go ya ka karolo ya 48, Molekgotla Phethiši a ka nna a se ganetše tumelelo yeo e hlalošwago ka go karolo ya 1 ya sefero, setaele, leporogo goba tsela ye nngwe yeo e hlokagalago go tsena le go tšwa lefelong leo go tsena le go tšwa go lona go sa kgonegego goba go ka se kgonegego ka ditshenyegelo tšeo di amogelegago, fela a ka dira gore matseno le matšo di dirwe lefelong leo le tlago bewa ke Molekgotla Phethiši.
Ge a efa tumelelo yeo e boletšwego ka go karolwana ya 1, Molekgotla Phethiši a ka laola mohuta wa sefero, setaele, leporogo goba tsela ye nngwe le lefelo le mokgwa wo ka wona e swanetšego go agwa mme a ka nna a bea mabaka a mapheko mabapi le seo goba a tšhomišo yeo Molekgotla Phethiši a ka bonago e swanetše, mme a ka gogela morago tumelelo ya ge e le gore senyakwa se fe goba se fe goba mabaka a mapheko ao a beilwego ka go tumelelo ga a latelwe.
Mo tsela ya go tsena goba go tšwa go tsela ya porofense e direla lefelo le tee, mong wa thoto yeo o swanetše go hlokomela karolo ya go tsena le go tšwa magareng ga mafelelo a tsela le mollwane wa lefelo la tsela, mo go kgotsofatšago Molekgotla Phethiši ka ditshenyegelo tša mong, mme Molekgotla Phethiši goba lekalatiro le fe goba le fe goba modiredi wa Porofense ba ka se lefele ditshenyego tša motho o fe goba o fe ka lebaka la modiro o fe goba o fe goba tlogelo tša mong ka tlase ga karolwana.
Molekgotla Phethiši a ka re ka taelo yeo e ngwetšwego go mong wa lefelo leo le lego kgauswi le tsela ya porofense go aroša tsela ya go tsena le go tšwa go tsela ye e fago phihlelelo goba go tsena lefelong leo, goba go bea mapheko goba go tswalela go tsena le go tšwa, ka mokgwa le nako yeo e beilwego ka go tsebišo, goba go ya go ile.
a Ge e le gore kgapeletšego e beilwe ka go tumelelo yeo e filwego ka go karolwana ya 1 goba taelo yeo e ngwetšwego ka tlase ga karolwana ya 7, Mongwadiši wa Dititi yo a nago le matla a taolo mo lefelong leo le amegago. O swanetše go, ka kgopelo yeo e ngwetšwego ya Molekgotla Phethiši, ngwala kgapeletšego yeo ka go thaetleletiti ya lefelo leo le amegago le ka diretšisetara tšeo di lebanego;
b mo mabakeng a tumelelo ka tlase ga karolwana ya 1, ditshenyegelo tša mabapi le ngwadišo yeo di sanetše go lefelwa ke motho yo a filwego tumelelo;
c Molekgotla Phethiši a ka gapeletša kobamelo ya kgapeletšego yeo e ngwetšwego bjalo.
a Mo karošo, mapheko goba tswalelo ya go tsena le go tšwa ga karolwana ya 7 go gapeletša phetogo, go šuthišetšwa lefelong le lengwe, go aga leswa ga sefero, karatšhe ya poraebete goba tsela ya go tsena ka moagong, Molekgotla Phethiši o swanetše go, go ya ka temana ya b, go dira mošomo wo o tlago dirwa ka ditshenyegelo tša Molekgotla Phethiši Molekgotla Phethiši;
b tefelo ka Molekgotla Phethiši go ya ka temana ya a e tla ba fela go ditshenyegelo tša go tsenya difero tše mpsha, dikaratšhe goba ditsela tša go tsena meagong tša maemo ao a swanago le ao a nyakegago go šuthušetšwa lefelong le lengwe, go agwa leswa, ntle le ge mabaka a beilwe kgahlanong le seo.
Motho yo a tsenago goba a tšwago ka go tsela ya porofense goba seporo, goba yo a tsenago ka senamelwa ka go le go tšwa go tsela ya porofense goba seporo, goba yo a agago sefero, setaele, leporogo goba tsela ye nngwe kgahlanong le karolo ye, o oba molato
Dipapatšo tšeo di bonagalago mo ditseleng le diporo tša porofense
Ga go motho yo a swanetšego go bea dipapatšo goba go bontšhwa mo lefelong la tsela ya porofense, ntle le ge di bontšhwa mo tseleng ya porofense, yeo e šomago bjalo ka mmila wa masepala mme e tšewa bjalo ke Molekgotla Phethiši ka go tsebišo ka go Kasete ya Porofense.
Ntle le ka mo go beilwe ka go karolwana ya 3, ga go yo a ka bontšhago papatšo goba a dira gore e bontšhwe -
b ka ntle go lefelo la motsesetoropo mo e bonagalago go tšwa go tsela ya porofense goba seporo;
c yeo e bonagalago go tšwa go tsela ya lephefo lefelong la motsesetoropo mme e le dimitara 250 go tšwa go mollwane wa lefelo la tsela ya lephefo;
d yeo e bonagalago go tšwa go tsela ya porofense goba seporo lefelong la motsesetoropo, mo lefelong leo le lego kgauswi le tsela ya porofense goba seporo goba mo lefelong leo le aroganego le tsela ya porofense goba seporo ka mmila.
Karolwana ya 2 e ka se diragatšwe go pontšho ya papatšo yeo e latelago dinyakwa tšeo di beilwego, ge di le gona, ka ga mohuta, diteng le bogolo bja papatšo yeo goba ge nako, mokgwa goba lefelo la go bontšha seo di dumeletšwe ke goba ka tlase ga melawana yeo e amegago, goba papatšo -
a e bontšhwa go ya ka tumelelo yeo e filwego pele ga letšatši la go tsenya tirišong ga Molao wo, go lebaka leo papatšo e bontšhwago go ya ka dinyakwa tšeo, go ya ka tumelelo di diragatšwago goba di be di diragatšwa ka nako yeo pele ga letšatši lao; goba b e bontšhwa go ya ka molao mo lefelong leo le tsebagaditšwego pelenyana ga fao go ba tsela ya porofense goba seporo mo nakong yeo e bapatšwago go ya pele mo lefelong le tee, ntle le go e laetšwe go tlošwa ka tlase ga karolwana ya 5 le nako yeo ka yona e swanetšego go tlošwa e fedile; goba c e swanetše go bapatšwa go ya ka molao mme e bontšhwa go ya ka molao woo.
Molekgotla Phethiši a ka nna a bea melawana yeo e dirilwego ka tlase ga karolwana ya 3-
a go bea ka magoro ditsela tša porofense le diporo go ya ka tlhago ya tšona, bohlokwa bja tšona bja tikologo goba kago ya tšona, goba mo mabakeng a kelohloko ya polokego, goba mabaka a mangwe a swanago le ao;
b go bea ka magoro a dipapatšo go mabaka a go laola pontšho ya tšona goba pewo ya tšona;
c gore magoro a magwe a dipapatšo a ka bewa goba a bontšhwa fela ka tumelelo yeo e ngwetšwego ya Molekgotla Phethiši goba masepala yo a amegago ka kgopelo ka mabaka ao a sa tšeego lehlakore, le tee la mabaka ao le swanetše, tšeo di beilwego ka go melawana ao Molekgotla Phethiši goba masepala a ka -
i fanago goba a ganetša tumelelo yeo go ya ka melawana mme a ka, ge tumelelo e filwe, bea -
aa mekgwa yeo papatšo e swanetšego go e latela;
bb nako yeo ka yona tumelelo e tlago diragatšwa;
cc mekgwa. lefelo le mabaka ao ka wona papatšo e ka bontšhwago;
ii ge tumelelo e gannwe, a bea mekgwa ya go dira dihlagišo go Lekgotla la Metsesetoropo;
d gore tšhelete e tla lefelwa ge go dirwa dikgopelo tša tumelelo yeo goba ge go fiwa tumelelo yeo;
e gore mekgwatshepetšo e latelwe ge go dirwa dikgopelo tša ditumelelo tše bjalo;
f gore tšhelete ya tlhahlobo goba tšhelete ya tlhahlobo ya nako le nako e tla lefelwa ke batho ba boletšwego ka go molawana, mo tumelelo ye bjalo e filwego;
g mekgwa ya pontšho, kekišo le ponegetšo ya papatšo;
h polokego, didirišwa le hlomphego ya papatšo;
i sebopego le tlhamo ya papatšo , le maemo a tšona le tlhokomelo.
Motho o fe goba o fe yo a bontšhago papatšo kgahlanong le dikgontšhi tša karolo ye goba a dira gore e bontšhwe bjalo, goba mong wa lefelo leo go lona papatšo e beilwego mme a laetšwe ke Molekgotla Phethiši ka tsebišo yeo e ngwetšwego gore a e tloše, o swanetše go dirwa bjalo mo nakong yeo e bontšhwago ka go tsebišo, yeo e ka se bego ka tlase ga matšatši a 14 go ya ka karolwana ya 7.
Ge motho yo tsebišo e lebišitšwego go yena go ya ka karolwana ya 5, a palelwa ke go tloša papatšo yeo e bolelwago ka go tsebišo ka nako yeo e beilwego ka go yona, Molekgotla Phethiši a ka e tloša mme a tsena ka go lefelo leo le amegago ntle le tumelelo ya mong goba modudi, go sa kgathatšege dikgontšhi tše dingwe tša Molao wo, mme a nyaka ditshenyegelo tša tlošo go motho yoo.
Ntle le karolwana ya 5, mo papatšo e bontšhwa kgahlanong le karolo ye mme e na le matšhošetši a polokego, Molekgotla Phethiši a ka tšea magato ka tlase ga karolwana ya 6 mo kgahlegong ya setšhaba goba mo polokegong ya setšhaba ntle le go tsebiša motho o fe goba o fe go tloša papatšo.
Motho yo a tlolago karolo ya 1 goba 2 goba a palelwa ke go tloša papatšo ya S ge a laetšwe go dira bjalo ka tlase ga karolwana ya 5, o oba molato.
Mo mabakeng a karolo ya, ntle le ge seo se lego kgahlanong se netefatšwa -
a papatšo e swanetšwe go bontšhwa -
i ke motho yo a e beilego goba yo a dirilego gore e bontšhwe; le ii mo mabakeng a papatšo mabapi le setšweletšwa goba selo seo se tšweleditšego goba se hlamilwego ke motho yo a itšeng, goba go tirelo yeo e fiwago ke motho yo a itšeng, goba go kgwebo, tirelo goba lefelo la motho yo a itšeng, ke motho yoo;
b dipapatšo di tšewa gore di bontšhitšwe morago ga go tsenywa tirišong ga karolo ye;
c motho yo a nago goba a dulago ka go lefelo leo ka go lona papatšo e bontšhwago le mohlami wa selo se fe goba se fe goba mong wa kgwebo e fe goba e fe goba tirelo yeo papatšo e bjalo e lego mabapi le yona le lekalatiro la mohlami goba mong ba tla tšewa gore ba bontšhitše papatšo goba gore ba dirile gore e bontšhwe.
Papatšo e fe goba e fe yeo e beilwego goba e bontšhitšwego ge go tsenywa karolo ye tirišong yeo e sa dumelelwego ke Molao wo, mme e se papatšo yeo Molekgotla Phethiši a ka e fago tumelelo, e swanetše go tlošwa mo matšatšing a 90 ge tirišo yeo e thoma.
a Mo papatšo e beilwego goba e bontšhitšwego ge go tsenywa karolo ye tirišong yeo, go ya Molao wo e sego ya swanelwa go bewa goba go bontšhwa ntle le tumelelo ya Molekgotla Phethiši goba tumelelo ye nngwe, mong wa papatšo goba motho yo a e bontšhago goba yo a dirago gore e bontšhwe, goba mong wa lefelo leo go lona papatšo e bontšhitšwego, o swanetše go dira kgopelo go Molekgotla Phethiši goba bolaodi bjo bongwe bjo bo bjalo, ka mo go ka bago ka gona, ya tumelelo yeo mo matšatšing a 90 a go tsenya, ge go se gwa dirwa bjalo, gona papatšo e swanetše go tlošwa thwii;
b ga go kgopelo ye bjalo e tlago dirwa mabapi le papatšo yeo e hlalošwago ka go karolwana ya 10.
Ge tumelelo ya papatšo yeo e hlalošwago ka go karolwana ya 11 e gannwe, papatšo e swanetše go tlošwa mo matšatšing a 30 a go hwetša tsebišo ya kgano yeo, mme mo kgano e rometšwego ka poso yeo e netefaditšwego, mong wa lengwalo o tšewa gore o le amogetše mo matšatšing a seswai morago ga go le romela.
Letšatši la go tsenya tirišong ga karolo ya 44: yeo e tlang go tsebagatšwa.
Dinamelwa tšeo di sa šomego, ditšhila, bjalo bjalo, godimo goba kgauswi le ditsela tša porofense le diporo
Ga go motho yo a ka -
a beago goba a tlogela senamelwa seo se sa šomego goba motšhene goba seripa seo se sa šomego sa tšona, goba ditšhela goba selo se sengwe mo tseleng ya porofense goba seporo;
b ntle le tumelelo ya Molekgotla Phethiši yeo e ngwetšwego goba kgahlanong le mabaka a mapheko ao a beilwego ke Molekgotla Phethiši mme a hlalošitšwe beago goba a tlogela, mo go bonagalago go tšwa go tsela ya porofense goba seporo, senamelwa seo se sa šomego goba motšhene goba seripa mo lefelong ka ntle ga lefelo la motsesetoropo le mo dimitareng tše 200 go tšwa mollwaneng wa tsela ya porofense goba seporo.
Molekgotla Phethiši a ka tloša senamelwa seo se sa šomego goba motšhene goba seripa seo tšona seo se sa šomego goba ditšhila tšeo di hwetšwago mo tseleng ya porofense goba seporo, mme a ka nyaka ditshenyegelo tša gagwe tša tlošo go motho yo a beilego goba a tlogetšego dilo tšeo mo tseleng ya porofense goba seporo.
Ge mo lefelong leo le hlalošwago ka go karolwana ya 1b go hwetšwa senamelwa seo se sa šomego goba motšhene goba seripa seo tšona seo se sa šomego goba ditšhila goba selo se sengwe seo se bonagalago go tšwa tseleng ya porofense goba seporo, mme motho yo a beilego goba a tlogetšego dilo tšeo goba motho yo a swanetše go di tloša, a laetšwe ke Molekgotla Phethiši ka tsebišo yeo e ngwetšwego go di tloša mo lefelong goba go tšea magato ao a swanetšego gore di swe hlwele di bonagala go tšwa tseleng ya porofense goba seporo -
a motho yoo o swanetše go go di tloša goba go tšea magato ao a swanetšego mo nakong yeo e beilwego ka go tsebišo, ntle le ge- b i motho yoo a bontšha tumelelo yeo e ngwetšwego ya Molekgotla Phethiši yeo ka yona a dumelelago goba gona ga tšona mo lefelong ka tlase ga mabaka ao a amegago; goba ii mo motho a nago le maswanedi ao, motho yoo o tla kgotsofatša Molekgotla Phethiši gore ga a bea goba go tlogela senamelwa, motšhene goba seripa seo tšona goba ditšhila goba selo mo lefelong mme ga a dumelela gore di bewe goba di tlogelwe fao, mme mo di beilwego goba di tlogetšwego ke lekalatiro goba mošomi wa motho yoo a nago le maikarabelo ao, motho yoo o be a sa lemoge seo;
b Molekgotla Phethiši, ge senamelwa, motšhene, seripa, ditšhila goba selo di se tša tlošwa mo nakong yeo e boletšwego ka go tsebišo, mme ge a kgotsofetše gore motho yoo o na le tumelelo yeo e ngwetšwego ya Molekgotla Phethiši go ya ka temana ya ai a ka tloša dilo tšeo mo lefelong goba a tšea magato a fe goba a fe ao Molekgotla Phethiši a bonago a swanetše gore dilo tšeo di se hlwe di bonagala mo tseleng ya porofense goba seporo, mme a ka nyaka ditshenyegelo tša tlošo goba tša magato ao go motho yo go ya ka temana ya a a nago le maikarabelo a go tloša dilo tšeo goba go tšea magato ao a swanetšego.
Dihlangwa le mešomo ye mengwe go, ka godimo ga, goba ka tlase ga ditsela tša porofense goba diseporo goba mafelo a mangwe
Ntle le ka mo go kgontšhwago ka go karolwana ya 2 goba 3 goba ka mo go dumelelwago ke karolo ya 44, le ntle ga dikgontšhi tša melao ye mengwe, ga go motho yo, ntle le tumelelo yeo e ngwetšwego ya Molekgotla Phethiši a ka dirago tšeo di latelago -
a go, ka godimo ga, goba ka tlase ga ditsela tša porofense goba diseporo goba lefelo leo kago e thibelwago, a hloma, a aga goba a bea goba a bea sehlangwa goba selo se sengwe go akaretšwa dikepo tša mmaene, tahlo le mokgobo wa didirišwa le selo se fe goba se fe seo se hlomilwego lefelong leo se emego go lona le ge e le gore ga se karolo ya lefelo leo;
b a dira diphetogo tša tlhamo goba koketšo go sehlangwa goba selo seo se lego go, ka godimo ga, goba ka tlase ga ditsela tša porofense goba diseporo goba lefelo leo kago e thibelwago;
c a fa tumelelo ya go hloma, go aga goba go bea goba go bea sehlangwa goba selo se sengwe go, ka godimo ga, goba ka tlase ga ditsela tša porofense goba diseporo goba lefelo leo kago e thibelwago goba ya go dira diphetogo tša tlhamo goba koketšo go sehlangwa goba selo seo se lego fao.
Karolwana ya 1 e ka se diragatšwe go -
a kago ya sehlangwa yeo tlhamo ya sona e thomilego pele ga -
i ge lefelo leo le amegago le e ba lefelo leo le thibelwago go aga; goba ii pele ga go tsenya tirišong ga karolo ye, ge e le gore tlhomo yeo e be e le molaong pele ga go tsenya tirišong ga karlo ye;
b kagelelo, legora goba leboto ka ntle ga lefelo la tsela goba seporo tšeo di sego botelele bjo bo fetago botelele bjo bo beilwego ka go tloga fase mo lefelong leo di emego go lona.
a Molekgotla Phethiši, go ya ka pono ya gagwe, a ka fana goba a gana ka tumelelo go ya ka karolwana ya 1;
i mekgwa yeo sehlangwa, sedirišwa, phokotšo goba koketšo di tlang go e latela;
ii mekgwa le seemo tšeo ka tšona, lefelo leo le mabaka a mapheko ao ka wona sehlangwa, sedirišwa, phokotšo goba koketšo di tlang go hlongwa, go agwa, go bewa, go hlangwa goba go dirwa; le iii ditlamo tšeo di swanetšego go phethwa ke mong wa lefelo leo le amegago ge e le gore sehlangwa, sedirišwa, phokotšo goba koketšo di a hlongwa, agwa, bewa, hlangwa goba go dirwa.
a Ge ditlamo di beilwe ka mabaka a mapheko go ya ka karolwana ya 3b, Mongwadiši wa Dititi yo a nago le taolo ya lefelo leo le amegago o swanetše go, ka kgopelo yeo e ngwetšwego ya Molekgotla Phethiši, a ngwale ditlamo tšeo ka go thaetleletiti ya lefelo leo le amegago le ka go diretšisetara tša maleba;
b ditshenyegelo tša mabapi le ngwadišo yeo di tla lefelwa ke motho yo a fiwago tumelelo;
c Molekgotla Phethiši a ka gapeletša kobamelo ka ditlamo tšeo di ngwadilwego.
Molekgotla Phethiši a ka lefiša tšhelete ya khirišo ya dihlangwa le mešomo ye mengwe yeo e lego ka lefelong la tsela ya porofense goba seporo mo lefelong leo e lego la Porofense, e ka ba ka tšhelete yeo e feletšego ga tee fela goba ka dikgakgao.
Molekgotla Phethiši a ka lefiša tšhelete ya tlhahlobo goba tšhelete ya tlhahlobo ya nako le nako ka tšhelete yeo e beilwego mo tumelelo e filwego ka tlase ga karolwana ya 3.
Mo motho yo a se nago tumelelo yeo e nyakegago ka go karolwana ya 1 goba kgahlanong le tumelelo ye, o hlomile, a aga, a bea sehlangwa goba sedirišwa goba o fetotše sehlangwa goba koketšo go sehlangwa goba sedirišwa goba o file tumelelo ya go dira tšeo, Molekgotla Phethiši, ka tsebišo ya go ngwalwa a ka laela motho yoo go tloša sehlangwa seo se sego molaong, sedirišwa goba o fetotše sehlangwa goba koketšo mo nakong yeo e amogelegago yeo e swanetšego go ngwalwa ka go tsebišo fela e sa be ka tlase ga matšatši a 30 go tloga letšatšing la tsebišo.
Ge motho yo a filwego tsebišo go ya ka karolwana ya 7, o palelwa ke go latela tsebišo mo nakong yeo e beilwego ka go yona, Molekgotla Phethiši a ka di tloša mme a nyaka ditshenyegelo tša tlošo go motho yoo.
a Go sa kgathatšege dikgontšhi tša melao ye mengwe, Molekgotla Phethiši a ka tloša goba a šuthiša sehlangwa goba sedirišwa seo se hlolago seemo se kotsi seo se nyakago magato a tšhoganetšo mo kgahlegong ya polokego ya setšhaba, mo sehlangwa, goba sedirišwa se hlomilwego, se agilwego, se beilwego goba se hlamilwego go, goba ka godimo, goba ka tlase ga -
i tsela ya porofense goba seporo;
ii lefelo ka go lefelo leo le thibetšwego kago; goba iii lefelo le lengwe leo le lego bokgole bja tsela ya porofense goba seporo bjo bo beilwego ka mabaka a mapheko ka tlase ga karolo ya 485;
b mo motho a nago le maikarabelo go ya ka molao go tloša goba go šuthiša sehlangwa seo goba sedirišwa seo se hlomilwego, se agilwego, se beilwego goba se hlamilwego, Molekgotla Phethiši a ka o tla nyaka ditshenyegelo tša tlošo goba go šuthiša go motho yoo.
Motho o fe goba o fe yo a tlolago karolwana ya 1 goba yo a palelwago go obamela tsebišo ka tlase ga karolwana ya b o oba molato.
Go rekiša mo ditseleng le diporong tša porofense goba mo mafelong ao a thibetšwego kago
Ntle le ka mo go kgontšhwago ka go karolwana ya 3, ga go motho yo, ntle le tumelelo yeo e ngwetšwego ya Molekgotla Phethiši goba kgahlanong le ditaelo tša tumelelo ye, a tlang go dira kgwebišano goba a bontšha, a fana goba a tšweletša dithoto tša thekišo -
a go tsela ya porofense goba seporo, goba b go goba ka go setlabelo se fe goba se fe sa dinamelwa seo se lego ka tlase ga taolo ya Molekgotla Phethiši; goba c ka go lefelo leo le thibetšwego kago.
Mo mabakeng a ditlabelo tšeo di šomišwago ke dipase, dithekisi goba ditimela le banamedi ba tšona, tumelelo ka tlase ga karolwana ya 1 e ka fiwa fela go mafelo ao a beetšwego mabaka a kgwebo.
Karolwana ya 1 e ka se diragatšwe go batho bao ba tšwelago pele ka kgwebo goba tirelo morago ga go tsebagatšwa ga tsela goba seporo bjalo ka ga tsela ya porofense goba seporo goba ge lefelo le e ba leo le thibetšwego kago, ntle le ge motho yoo a laetšwe ke Molekgotla Phethiši ka tsebišo yeo e ngwetšwego go tlogela seo.
Mošomedi wa Porofense goba motho yo a filwego matla ka go ngwala ke Molekgotla Phethiši, mošomi wa masepala yo a beilwego goba a thwetšwego go diragatša molao mo tseleng ya porofense le motho yo go ya ka molao wa dinamelwa tša tsela, a ka -
a ge e le gore mošomi yoo, mohlankedi goba motho ka go karolo ye yo a bitšwago mohlankedi yo a nago le bokgoni o na le kgonono yeo e kgotsofatšago gore motho o dirile seo tumelelo yeo e ngwetšwego ya Molekgotla Phethiši e se nyakago goya ka karolwana ya 1, mohlankedi yo a nago le bokgoni a ka kgopela tumelelo yeo e ngwetšwego go diragatša modiro woo;
b ge motho yo kgopelo e dirwago go yena, o palelwa ke go ntšha tumelelo yeo e ngwetšwego go mohlankedi yo a nago le bokgoni, goba ge e le gore mohlankedi yo a nago le bokgoni o na le kgonono mo mabakeng ao a kgotsofatšago gore motho o dirile mediro yeo e sego molaong go ya ka karolwana ya 1 -
i a ka kgopela maina ka botlalo le aterese ya madulo a motho yoo semetseng;
ii a ka laela motho yoo go tloša mo lefelong leo le thibetšwego kago goba tsela ya porofense goba seporo goba ditlabelo tše dingwe tša dinamelwa -
aa se sengwe le se sengwe seo se diragatšwago goba seo mohlankedi yo a nago le bokgoni a gononwago mo mabakeng a kgotsofatšago gore se beetšwe go šomišwa mabapi le tiragatšo ya mediro yeo ke motho yoo; goba bb sehlangwa, tente, senamelwa, sedirišwa goba selo se sengwe mo go sona, goba seo ka sona modiro o diragaditšwego, goba ka sona goba ka go sona go nago le selo seo ka sona mohlankedi yo a nago le bokgoni a gononwago mo mabakeng a kgotsofatšago gore se beetšwe go šomišwa mabapi le tiragatšo ya mediro yeo ke motho yoo; goba c go tloša mo tsela ya porofense goba seporo goba ditlabelo tše dingwe tša dinamelwa goba mo lefelong leo le thibetšwego kago sehlangwa, tente, senamelwa, sedirišwa tšeo di hlalošwago ka go temana ya bii. Goba tšeo mohlankedi yo a nago le bokgoni a di hwetšago go tsela ya porofense goba seporo goba ditlabelo goba lefelong leo le thibetšwego kago mme a gononwa mo mabakeng ao a kgotsofatšago gore di šomišitšwe, goba di beetšwe go šomišwa mabapi le tlolo ya karolwana ya 5 l, mme a nyaka ditshenyegelo tša tlošo go motho yo a amegago.
Motho o oba molato -
a ge a tlola dikgontšhi tša karolwana ya 1; goba b ge a palelwa ke go fana ka mauna a gagwe ka botlalo le aterese ya madulo go mohlankedi yo a nago le bokgoni go ya ka karolwana ya 4bi; or c ge a reteletšwe ke go obamela taelo yeo e filwego ka tlase ga karolwana ya 4bii.
Tumelelo ya Molekgotla Phethiši yeo e swanetšego go hlama kgodišo ya metsesetoropo le karolo ya mafelo a mangwe
Go sa kgathatšege dikgontšhi tša molao o fe goba o fe wo mongwe, Motsinkedi-Pharephare a ka nna a se dumelele peakanyo ya kakaretšo goba sethalwa sa erefe, setene, dikgoba goba mafelo a go dula tšeo ka moka ge di kopane di dirago motsesetoropo goba sehlopha e ka ba di kopane ka, goba ka ntle le ditsela tša go fetela, goba dikgoba tšeo di bulegilego tšeo di, goba di beetšwego go ba mafelo a setšhaba ge karolo e fe goba e fe ya erefe yeo, setene, dikgoba goba mafelo a go dula di wela ka gare ga lefelo leo le thibetšwego kago, ntle le ge peakanyo ya kakaretšo goba sethalwa di sepelelana le sethalwa sa seswantšho seo se šišinywago sa motsesetoropo goba sehlopha, seo Molekgotla Phethiši a se dumeletšego ka go ngwala.
Karolwana ya 1 le yona e tla diragatšwa, ka diphetogo tšeo di nyakegago, go sethalwa sa karlo ya lefelo leo le lego kgauswi le motsesetoropo goba sehlopha sa dierefe ditene, dikgoba goba mafelo a go dula, ge e le gore karolo yeo ya lefelo e ka go lefelo leo le thibetšwego kago.
Ge lefelo goba karolo ya lefelo e ka go lefelo leo le thibetšwego kago Motsinkedi-Pharephare a ka nna a se dumelele peakanyo ya kakaretšo goba sethalwa sa karologanyo ya lefelo leo goba karolo ya lona ntle le ge Molekgotla Phethiši a file tumelelo yeo e ngwetšwego.
Masepla goba bolaodi bjo bongwe bo ka nna bja se fane ka tumelelo ya go fetola tšhomišo ya lefelo ya dithoto tšeo di lego kgauswi le tsela ya porofense ka go motsesetoropo, ntle le ge Molekgotla Phethiši a file tumelelo ya phetogo ka go ngwala.
Molekgotla Phethiši a ka gana go fa tumelelo ka tlase ga karolwana ya 3 goba 4 ge fela a kgotsofala gore karologanyo yeo e amegago e ka tsenya maikemišetšo a Molao wo mathateng.
a Molekgotla Phethiši a ka fa tumelelo ka tlase ga karolwana ya 1, 3 goba 4 go ya ka mabaka a mapheko -
i a ganetša karologanyo goba karologanyo ya go ya pele ya lefelo goba karolo yeo e itšeng ya lona;
ii a fokotša tšhomišo ya lefelo goba karolo yeo e itšeng ya lona;
iii a fokotša palo goba bontšhi bja meago goba dihlangwa tše dingwe tšeo di ka hlongwago mo lefelong goba mo karolong yeo e itšeng ya lona;
iv a ganetša tlhomo, kago, goba sehlangwa goba sedirišwa ka godimo goba ka tlase ga lefase la lefelo, goba go, ka godimo goba ka tlase ga lefase la karolo ya lefelo leo le itšeng go bokgole bjo bo itšeng bja tsela goba seporo seo se amegago;
b ge a e fa tumelelo ye bjalo Molekgotla Phethiši a ka bontšha gore ge e le gore lefelo goba karolo ya lefelo leo le itšeng e kopantšwe le lefelo le lengwe, thaetlele ya lefelo leo le kopantšhitšwego e tla ya ka mabaka a mapheko ao a beilwego ka go temana ya a.
Mabaka a mapheko ao a bolelwago ka go karolwana ya 6 a ka bewa gore go se dumelelwe tlolo ya wona goba go se sepelelane le tumelelo ya Molekgotla Phethiši.
a Go sa kgathatšege dikgontšhi ka go Molao wa Ngwadišo ya Dititi, 1937 Molao wa 47 wa 1937-
i motho yo a fanago ka neelano ya lefelo leo mabaka a mapheko ao a hlalošwago ka go karolwana ya 6 a tla diragatšwa, o swanetše go a tsenya ka go titi ya neelano;
ii Mongwadiši wa Dititi o swanetše go ngwala ka go thaetleletiti ya lefelo leo le šalago ka go motho yo a neelanago ka lefelo, le lengwe le le lengwe la mabaka a mapheko ao a lego mabapi le lefelo leo a šalago le lona;
iii setifikeiti sa thaetlele yeo e kopantšwego yeo e filwego mabapi le lefelo leo le kopantšwego leo le bolelwago ka go karolwana ya 6b, se swanetše go ba le le lengwe le le lengwe la mabaka a mapheko ao thaetlele ya lefelo leo e swanetšego go ya ka wona go ya ka ditlhalošo tšeo di dirilwego ka tlase ga karolwana ya; 4
a Go sa kgathatšege dikgontšhi ka go Molao wa Ngwadišo ya Dititi, 1937 Molao wa 47 wa 1937, goba melao ye mengwe, Mongwadiši wa Dititi ka tumelelo yeo e ngwetšwego ya Molekgotla Phethiši, a ka phumula lebaka la mapheko ao go ya ka karolwana ya 8 a tsentšwego ka go titi ya neelano goba setifikeiti sa thaetlele yeo e kopantšwego goba ao a beilwego ka go thaetleletiti;
b phumulo e ka dirwa ka kgopelo yeo e ngwetšwego ya mong wa lefelo leo le amegago, yeo e felegetšwago ke tumelelo yeo e ngwetšwego ya Molekgotla Phethiši le netefatšo ya gore dimotekeitši ka moka ge di le gona di tsebišitšwe ka ga phumulo yeo e šišintšwego;
c ga go tefelo ya neelano goba tshelete ya kantoro yeo e tlago lefelwa go phumulo yeo.
Molekgotla Phethiši a ka dira melawana go fokotša tšhomišo yeo lefelo leo le thibetšwego kago goba tšhomišo ya lefelo leo le lego kgauswi le ditsela tša porofense mo mafelong a porofense, mo Molekgotla Phethiši a akanyago gore tšhomišo yeo e tla -
a hlagiša kotsi go dinamelwa mo tseleng ya porofense;
b oketša sephethephethe mo tseleng ya porofense ka mo tsela e ka rwalago; goba c ya tsenana le maikemišetšo a Molao wo.
Melawana ka tlase ga karolwana ya 10 e ka kgontšha gore tlolo ya seo goba go palelwa ke go obamela seo e tla ba molato.
Karolo ye e tla ba go oketša, mme e se go ema legatong, melao ye mengwe mabapi le karologanyo ya lefelo goba tšweletšo ya motsesetoropo.
Motho yo a nago le ngongorego ka ga sephetho sa Molekgotla Phethiši go ya ka karolo ye, a ka dira kgopelo ya tshekoleswa ka mokgwa wo o beilwego le ka go lefela tšhelete yeo e beilwego go Lekgotla la Motsesetoropo.
Mediro ya go epa godimo le ka tlase ga ditsela tša porofense le diporo goba mo mafelong ao a thibetšwego kago
Ga go motho yo a swanetšego go diragatša mediro ya go epa godimo le ka tlase ga ditsela tša porofense le diporo goba mo mafelong ao a thibetšwego kago, ntle le tumelelo yeo e ngwetšwego ya Molekgotla Phethiši, yo a ka fanago ka tumelelo go ya ka mabaka a mapheko ao a bonwago a swanetše.
Mo go nyakegago go aroša goba go aga leswa tsela ya porofense goba seporo ka lebaka la gore e senywa morago ga go agwa, e ka ba pele ga go tsenywa tirišong ga karolo ye, ka tlolo ya karolwana ya 1, go boloka setšhaba goba go hlokomela dikgahlego tša setšhaba, Molekgotla Phethiši the MEC a ka laela motho yo a rwelego maikarabelo a tshenyo go dira gore tsela goba seporo di bolokege ka go aga leswa tsela goba seporo mo go tlago kgotsofatša Molekgotla Phethiši ka ditshenyegelo tša motho yoo le ka nako yeo e beilwego ke Molekgotla Phethiši ge a palelwa ke seo, Molekgotla Phethiši a ka dira mošomo woo mme a nyaka ditshenyegelo go motho yoo n.
SERIPA SA 5
Kago, tefelo,taolo,bookamedi, taolotshepetšo, tšweletšo, tlhokomelo, tšhireletšo le tokišo ya ditlabelotirišwa tša dinamelwa di tla ba diatleng tša Molekgotla Phethiši , mme Molekgotla Phethiši o tla, ka gare ga methopo ya tšhelete rwala maikarabelo a mešomo yeo e boletšwego.
Go ya ka dikgontšhi tšeo di lego kgahlanong ka go Molao wo goba Molao wa Bosetšhaba wa Dinamelwa tša Tsela, 1996 Molao wa 93 wa 1996, Molekgotla Phethiši a ka -
a aga, a lefela, a laola,a laola tshepetšo, a tšweletša, a hlokomela, a šireletša mme a lokiša tsela ya porofense, seporo goba ditlabelo tše dingwe tša dinamelwa le magora ao lego mabapi le seo, mme go ya ka karolo ya 133, ditsela tša phihlelelo;
b tloša goba a gapa phoofolo yeo e lego lefelong la tsela ka tlolo ya Molao wa Bosetšhaba wa Dinamelwa tša Tsela, 1996 Molao wa 93 wa 1996 goba molao wo mongwe,. Molekgotla Phethiši a ka se gapeletšege go hlatswadiatla motho o fe goba o fe mo phoofolo yeo e bolailwego goba e gobetšego go efoga kotsi ya dinamelwa;
c fana ka le go hlokomela ditlabelotirišwa tša dinamelwa, dipetse, dipompo, diaphotenense goba didirišwa tšeo tšeo a ka bonago di swanetše go setšhaba seo se lego tseleng;
d hloma. aga le go hlokomela,e ka ba go, goba go ya ka karolo ya 21, ka ntle ga lefelo tsela goba seporo moago, ntlwana, tente goba sehlangwa se sengwe le se sengwe seo se šomišwago ke bahlankedi le bašomi bao ba šomago ka go ditlabelotirišwa tša dinamelwa goba bao ba dirago mešomo ye mengwe yeo e lego mabapi le seo;
e boloka e ka ba go, goba go ya ka karolo ya 21, ka ntle ga lefelo tsela goba seporo dithoto, ditšweletšwa, didirišwa tša metšhene, goba dilo tše dingwe tšeo Molekgotla Phethiši a ka bonago di nyakega go aga goba go hlokomela ditlabelotirišwa tša dinamelwa;
f tšea meetse goba go fana ka meetse ka mo Molekgotla Phethiši a ka bonago go nyakega go diragatša dikgontšhi tša Molao wo ge e le gore meets a ka se tšewe 4 go letamo leo le agilwego ke motho, sediba goba petse ntle le tumelelo ya mong wa lefelo;
g go ya ka dikgontšhi tše dingwe tŠa Molao wo, a laola tshepetšo, a laola, a tswalela goba a aroša tsela ya go tsena le go tšwa go tsela ya porofense goba seporo;
h hiriša goba go tloša go tšwa mo lefelong, didirišwa goba ditlabelo tša Porofense 5 goba go hiriša goba go tlogela ditokelo tša lefelo tša Porofense tšeo di bego di tšerwe mabapi le ditlabelotirišwa tša dinamelwa mme di sa hlwele di nyakega ka pele ka nako yeo, goba go adimiša ka didirišwa goba ditlabelo goba go fana ka ditokelo tša nakwana go lefelo leo ntle le tefelo;
i lokiša goba go aga lefelo goba go kaonafatša mafelo ka mokgwa wo mongwe ka go tsela goba seporo;
j lefiša tšhelete goba rente ya go fa matla, tumelelo yeo e fiwago motho go ya ka temana ya o goba dikarolo tša 42, 43, 44, 46, goba 47 tša go abela, go aga, go hlama, go diragatša go goba mediro go, ka godimo, ka tlase ya tsela ya porofense goba seporo goba ditlabelotirišwa tše dingwe tša dinamelwa, tša selo se fe goba se fe seo se kgontšhitšwego ka go dikarolo ka tefelo ya tšhelete ya kgopelo yeo e tla lefelwago gape le ka tšhelete yeo e beilwego;
k fana ka thušo ya ditšhelete goba thušo ye nngwe, ka kwano le mong wa lefelo, go hloma goba go hlokomela magora, difero goba dihlangwa tše dingwe mo tseleng ya porofense goba seporo goba lefelo leo le lego kgauswi le tšona, goba go aga goba go hlokomela tsela ye nngwe le ye nngwe le seporo;
l fana ka thušo ya ditšhelete goba thušo ye nngwe go masepala, ka mabaka a mapheko ao Molekgotla Phethiši a a ka a beago -
i ya kago le thlokomelo ya ditlabelotirišwa tša dinamelwa mo lefelo la wona la taolo;
ii ya tšewo ya lefelo goba tokelo ka masepala woo mo mabakeng ao a hlalošwago ka go temana ya i;
m aga goba go hlokomela tsela goba karolo ya yona mo lefelong taolo ya masepala legating la masepala;
n ala, šuthiša goba a tloša seporo, seporo sa terempe goba seporo sa karikana mo tseleng ya porofense;
o fana ka ditlabelo tša ditirelo mme a dumelela ditirelo tša diteišene tša botšhelamakhura, mafelo a bojelo, mapatlelo a dipapadi le ditlabelo tše dingwe tšeo di šomiŠwago ke setšhaba seo se lego tseleng mo ditseleng tša porofense;
p ka tsebišo ka go Kasete ya Porofense a ganetša goba a fokotša ka taolo mosepelo wa diruiwa goba diphoofolo tše dingwe ntle le ge di le ka senamelweng mo tseleng e fe goba e fe ya porofense yeo e beilwego ka go tsebišo, goba ge e le gore diruiwa di ka se sepetšwe tseleng ntle le tumelelo yeo e ngwetšwego ya Molekgotla Phethiši mme a ka, ge diruiwa tšeo di hwetšwa mo tseleng ya yeo ka go tlola tsebišo yeo goba ntle le tumelelo yeo, e gapa ka mokgwa wo o beilwego; goba q a ka diragatša matla ao a kgotsofatšago ge go nyakega goba ao a thušago go matla ao a beilwego ka go temana ya a go ya go p.
Kgoro e swanetše go bea le go hlokomela maswao a tsela, ditlabelo tša go laola dinamelwa le go maraca ka moo a ka bonago go swanetše go hlahla le polokego ya dinamelwa mo ditseleng tša porofense, mme a ka dira seo ka go ditsela tša phihlelelo, mme a ka, go ya ka Molao wa Bosetšhaba wa Dinamelwa, 1996 Molao 93 wa 1996, tšea sephetho sa gore maswao, didirišwa le memarako go tla hlongwa goba tša bewa kae.
Dikwano le bolaodi bjo bongwe goba batho
Molekgotla Phethiši a ka bofa kwano yeo e hlalošwago ka go karolwana ya 2 le-
b masepala;
c Lekalatiro la Ditsela tša Bosetšhabatha la Afrika Borwa leo le hlamilwego ke karolo ya 2 ya Molao wa Lekalatiro la Ditsela tša Bosetšhabatha la Afrika Borwa le Molao wa Bosetšhaba wa Ditsela, 1998 Molao Not 7 wa1998;
d Khoporeišene ya Banamedi ba Ditimela ya Afrika Borwa yeo e hlamilwego go ya ka karolo ya 221 ya Tatelano ya Semolao ka go Molao wa Ditirelo tša Dinamelwa wa Afrika Borwa, 1989 Molao 9 wa 1989;
e khamphani ya Transnet Limited yeo e hlamilwego ka tlase ga karolo ya 2 ya Molao wo o hlalošwago ka go temana ya d; goba f motho o fe goba o fe goba setho, ka go karolo ye, bao ba hlalošwago bjalo ka "lehlakore le lengwe".
Kwano yeo e hlaošitšwego ka go karolwana ya 1 e ka rungwa mo e lego gore -
a lehlakore le lengwe le tla tšea maikarabelo ka moka a fe goba a fe a, goba mabapi le tsela ya porofense goba ditlabelotirišwa tše dingwe tša dinamelwa. Mo mabakeng a tsela ya porofense, e tla tšwela pele go ba tsela ya porofense go fihlela l Molekgotla Phethiši a tsebagatša ka go tsebišo ka go Kasete ya Porofense gore ga go sa le bjalo mo mabakeng a Molao wo; goba b lehlakore le lengwe le ka dira mošomo mabapi le tsela ya porofense, seporo goba ditlabelotirišwa tše dingwe tša dinamelwa , go akaretšwa kago le tlhokomelo ya tšona go ba go dira gore mošomo o dirwe ka tlase ga bookamedi, ka ditshenyegelo tša Porofense, goba e ka ba gore Porofense e tla dira mošomo woo ka ditshenyegelo tša lehlakore le lengwe, goba ka mokgwa wo mongwe go ya ka kwano; goba c tsela, mmila goba seporo ka tlase ga taolo ya lehlakore le lengwe goba tšeo e lego tša lehlakore le lengwe e tla ba tsela ya porofense goba seporo mo mabakeng a Molao wo, mo e lego gore lehlakore le lengwe ke masepala, masepala o tla ba le maikarabelo a go hlahla meetse a pula go tsela yeo ya porofense le karošo ya tsela yeo le ditshenyegelo tša gona mme Molekgotla Phethiši a ka swe rwale maikarabelo a tshenyego yeo e hlolegago ge go hlahlwa meetse a pula ke masepala yoo goba go retelelwa ke go dira seo ka meetse ao a pula; goba d lefelo leo ka go lona tsela ya porofense goba seporo di lego le neelwa go lehlakore le lengwe, mo lefelo e lego a porofense; goba e Porofense e tla dira mošomo o fe goba o fe wo o hlalošwago ka go Molao wo, goba go šoma mo mabakeng a, goba mabapi le mešomo ya mohuta woo, mo lefelong la taolo ya, goba mo lefelong la, lehlakore le lengwe, ka ditshenyegelo tša bolaodi bjo bongwe go sepelelana le le go ya ka Molao wo.
Kwano go ya ka karolwana ya 2 e ka kgontšha go kopanela ditshenyegelo tša porotšeke magareng ga mahlakore.
Mo kwano e fihletšwego ka tlase ga karolwana ya 2d go neelana ka tsela go masepala, tsela yeo e amegago goba karolo ya yona e tla tšewa go ba tsela goba mmila wa masepala ka mo lefelong la taolo ya masepala yo a amegago, mme ga go na hlatswadiatla yeo e tla lefelwago mong wa lefelo leo le tšerwego ke tsela goba mmila.
SERIPA SA 6
DIKGONTŠHI KA KAKARETŠO (dikarolo tša 52-62)
Dikganetšo ka kakaretšo
Go sa kgathatšege molao wo mongwe o fe goba o fe, fela go ya ka karolwana ya 4, ga go motho goba institšušene, go akaretšwa le setho sa mmušo bjalo ka ge go hlalošwa ka go karolo ya 239 ya Molaotheo, yo a ka, ntle le ge a dumeletšwe ke Molao wo -
a tsenago ka go tsela ya porofense, seporo goba tsela ya phihlelelo mme a hloma goba aga sehlangwa, legora, foro, mosela, molete, sefokotšalebelo, goba mapheko a mangwe goba a ala phaephe, terata goba mathale go, godimo ga goba ka tlase ga tsela yeo goba seporo;
b tlogelago goba a bea mapheko ao a ka bago kotsi go dinamelwa, goba ditšhila di fe goba di fe, dilahlwa, mokgobo wa molora, ditšweletšwa tša letsopa, galase, dikotokoti, dipikiri, diripa tša tšhipi, dikota, diripa tša dihlare, maswika goba materiale wo mongwe mo lefelong la tsela goba seporo;
c tlogelago senamelwa goba seripa sa sona mo mo lefelong la tsela goba seporo;
d senyago tsela ya porofense, seporo goba ditlabelo tše dingwe tša dinamelwa goba a tšholla makhura fuel goba dikemikale tše dingwe goba kgase mo tseleng, seporo goba lefelong leo le pheibilwego leo le ka senyegago;
e epago, a tloša goba a fetola mobu, lebato, kerabele, diripa, mabopo goba diphaephe tša kelelo tša tsela ya porofense, seporo goba tsela ya phihlelelo;
f hlomago, a aga, a bea goba a bontšha ka go, ka godimo goba go tsela ya porofense, seporo goba ditlabelo tše dingwe tša dinamelwa poroto, seswantšho sa tsebišo, sekafoliti goba mekgwa ye mengwe yeo ka yona papatšo e ka bontšhwago, ntle le ka mo go dumeletšwego ke Molao wo goba molao wo mongwe; goba g pentago goba a bea seswantšho, leletere, sethalwa, leswao, seswantšhikemelo, kerafiti goba selo se sengwe seo se swanago le seo goba seswantšhikemelo mo tseleng goba leporogo goba godimo ga leswao la tsela;
h alago seporo. seporo sa diterempe goba seporo sa dikarikana mo tseleng ya porofense;
i agago leporogo go kgabaganya goba letšibogo goba tsela ya ka tlase ga tsela ya porofense goba seporo goba tsela ya phihlelelo, ntle le ge go na le tumelelo yeo e ngwetšwego ya Molekgotla Phethiši, yo a ka beago mabaka a mapheko ge a e fa tumelelo yeo;
j rwalago metato ya mohlagase goba ye mengwe goba diphaephe go kgabaganya goba go ala mathale goba diphaephe ka tlase ga, goba godimo ga tsela ya porofense goba seporo goba tsela ya phihlelelo;
k šomišago tsela ya porofense mola e le ka tlase ga tokišo, ntle le ge e le ka mokgwa wo Molekgotla Phethiši a ka bontšhago ka maswao a tsela le ka mekgwa ye mengwe;
l tswalelago, a aroša, a fetola goba ka mokgwa wo mongwe a tsena ka go tsela ya porofense, seporo goba tsela ya phihlelelo;
m kgomasetšago go sefero mo go tsela ya porofense goba seporo goba tsela ya phihlelelo metlwa spikes goba dilo tše dingwe tšeo di ka hlolago kgobalo go batho goba diphoofolo goba tshenyo go thoto;
n senyago ka boomo dihlare, dihlašana goba dikaonafatšo tše dingwe go ditsela tša porofense le diporo;
o thibelago goba a šitiša Molekgotla Phethiši the mošomi wa semmušo goba lekalatiro la Kgoro goba motho yo mongwe yo a filwego matla ke Molekgotla Phethiši go diragatša mešomo ya gagwe ka tlase ga Molao wo;
p tswalelago tsela ya porofense goba tsela ya phihlelelo tšeo setšhaba se nago le maswanedi a go di šomiša goba go aga legora goba lepheko le lengwe le fe goba le fe go thibela setšhaba go šomiša tsela yeo;
q phadimiša lesedi go, goba go oketša lesedi go tsela ya porofense goba seporo ka mokgwa wo o tlago tsenya dinamelwa kotsing;
r šomišago tsela ya porofense yeo e tswaleletšwego dinamelwa ka maswao ao a swanetšego;
s dulago ka mo go sego molaong ka go tsela ya porofense goba seporo goba ka go ditlabelotirišwa tše dingwe tša dinamelwa tšeo di laolwago ke Molekgotla Phethiši;
t hlomago leswao la tsela mo go tsela ya porofense goba seporo;
u arošago dinamelwa mo tsleng ya porofense ntle le ge go na le seemo sa tšhoganetšo;
v fetolago goba go šuthiša, šitiša goba go senya ditlabelo di fe goba di fe tša ditsinkelo tšeo di beilwego ke Molekgotla Phethiši goba lekalatiro la Molekgotla Phethiši, motsinkedi goba mong kontraka ge ba diragatša mešomo ya gagwe; goba w yo a ka tlošago diruiwa go tsela ya porofense goba seporo ntle le tsebišo yeo e kwalakwaditšwego ka tlase ga temana ya p ya karolo ya 502 goba ntle le tumelelo yeo e nyakwago ke temana yeo.
Motho yo a tlolago dikgontšhi tša karolwana ya 1 goba dikgontšhi di fe goba di fe tša Molao mo di sa tšewago felo bjalo ka molato, o oba molato.
Mo molao o dumelelago tiragatšo ya mediro yeo e hlalošwago ka go karolwana ya 1, motho yo a dumeletšwego bjalo o swanetše go fa Molekgotla Phethiši tsebišo ya matšatši a 60 a maikemišetšo a go diragatša mošomo ntle le ge Molekgotla Phethiši a dumela go nako ye nnyane go yeo. Motho yoo o swanetše go lefela Molekgotla Phethiši ditshenyegelo, bjalo ka ge go beilwe ke Molekgotla Phethiši, tša go aroša tsela yeo e amegago, seporo goba ditlabelotirišwa goba tša go tšea magato a mangwe goba tlhokomelo yeo e nyakegago go thuša go diragatša mošomo woo le go netefatša polokego ya bašomiši ba tsela.
Molekgotla Phethiši a ka dumelela tiragatšo ya mediro yeo ganetŠwago ka go karolwana ya 1 ka go ngwala, go ya ka mabaka a mapheko, mo nakong le tefelo ya tšhelete goba rente yeo Molekgotla Phethiši a e beago, ge Molekgotla Phethiši a kgotsofetše gore ga go na tshenyego go tsela ya porofense, seporo goba ditlabelotirišwa goba kgoreletšego ya setšhaba la lebaka la se. Tšhelete yeo e ka lefelwa e feletše goba ka dikgaokgao, mme mabaka ao a ka kgontšha gore mokgopedi o tla lefela ditshenyegelo tšeo di amegago.
Melato le dikotlo
Motho o fe goba o fe yo a obago molato ka go Molao wo, ge a swerwe o tla ahlolelwa nako yeo e sa fetego dikgwedi tše tshelelago kgolegong goba tefišo, goba ka bobedi bja tšona, kgolego le tefišo.
Kgoro e ka re morago ga go swara motho ka molato ka go Molao wo, mo go swanetšego, ya laela motho go lefela kotlo go Molekgotla Phethiši go hlatswa diatla tshenyego yeo e hlolegilego, goba ya laela motho go lokiša, go tloša goba go bušetša sekeng tshenyego e fe goba e fe, lepheko, karošo goba tsenelo ya tsela ya porofense, seporo goba ditlabelotirišwa tše dingwe tša dimanelwa.
Kgoro yeo e golegago motho mo molatong wa go rwala morwalo wa go fetelela ka go senamelwa goba tšhollo ya thoto yeo e lego kotsi ka go tsela ya porofense ka tlase ga Molao wa Bosetšhaba wa Dinamelwa tša Tsela, 1996 Molao wa 93 wa 1996 goba molao o fe goba o fe, e ka laela motho go lefelakotlo ya R10 000 go akaretša tshenyego yeo e hlotšwego mo tseleng yeo ka go rwala morwalo wa go fetelela goba tšhollo, ntle le ge Molekgotla Phethiši a ka bontšha gore tshenyo yeo e fetile R10 000, mme kotlo e swanetše go oketšwa go ya ka mo go nyakegago
Mo motho a laetšwego ke Kgoro go diragatša mošomo ka tlase ga Molao wo mme a palelwa ke go dira seo mo nakong yeo e beilwego ke Molekgotla Phethiši goba mo nakong yeo e beilwego ke Kgoro mme e tsebišitšwe motho yoo ka go ngwala, yeo e sego ka tlase ga matšatši a šupa, Molekgotla Phethiši a ka diragatša mošomo mme a hwetša ditshenyegelo go motho yo a nago le maikarabelo a go dira seo, ga mmogo le tokišo e fe goba e fe ya semolao yeo Molekgotla Phethiši a ka e dirago.
Mo motho a hweditšwego molato wo o hlotšego tahlegelo goba tshenyego go Taolotshepetšo ya Porofense ka go Porofense, Kgoro yeo e ahlolago motho yoo e ka laela gore a hlatswe diatla Taolotshepetšo yeo.
Melawana
a e hlalošago mekgwa le lefelo leo ka go lona, le nako yeo e nyakegago ka go Molao wo yeo ka yona ditsebišo di tlang go fiwa, tša išwa goba tša bontšhwa;
b šireletšago tshenyo, tšhitelo, thoto goba mešomo ka go goba mabapi le ditsela tša porofense, seporo goba ditlabelotirišwa tše dingwe tša dinamelwa, go akaretšwa dihlare, dipetse, didiba le dikaonafatšo tše dingwe;
c e beago maemo le dinyakwa tša sethalwa sa peakanyo. Tšweletšo, kago, taolotshepetšo, taolo, tlhokomelo, tšhireletšo le tokišo ya ditlabelotirišwa tša dinamelwa tša Porofense goba lebakeng la polokego ka go Porofense. Mo mabakeng a, maemo le dinyakwa di ka bewa mo ditseleng tša mapheko;
d beago mapheko goba goba ditsela tša go šomiša ditsela tša porofense tšeo di itšeng goba ditsela tša phihlelelo;
e kgontšhago seemo seo ka sona beng ba naga goba batho ba bangwe ba ka agago goba go hlokomela difero, magora, mafelo a go tsena le go tšwa go ditsela, tšeo di hlomilwego goba di laolwago ke Molao wo, goba mo o nago le seabe ka go ditshenyegelo tša tlhomo yeo, kago goba tlhokomelo, mme mo go ka se nyakegego gore motho 1 a lokiše legora goba sefero mo e tlošitšwego goba e senyegilego ka mabaka ao a lego ka ntle ga taolo ya motho;
f beago maemo a magora, difero, difokotšalebelo le dihlangwa tše dingwe tšeo di, goba di swanetšego go hlongwa goba hlokomelwa go ya ka Molao wo;
g beago lenaneo la go fa ditsela dinomoro goba go raragana ga ditsela ka go Porofense;
h beago mekgwa yeo ka yona ditsebišo tšeo di nyakwago ke Moalo wo di swanetšego go fiwa le go išwa;
i beago ditefelo le go di oketša nako le nako;
j beago goba e laolago ka molao morero o fe goba o fe wo o dumeletšwego goba o nyakwago ke Molao wo; goba k beago goba e laolago ka molao morero o fe goba o fe wo Molekgotla Phethiši a ka bonago o swanetše goba 2 o kgontšha taolotshepetšo ye hlwahlwa ya Molao wo.
Melawana yeo e dirilwego ka tlase ga karolwana ya 1 e ka fapana ka magoro ao a fapanago a ditsela, goba ka mafelo ao a fapanago ka go Porofense, mme e ka bea dikotlo tša tlolo ya melawana yeo goba go se latele melawana yeo, tšeo di ka akaretšago kgolego goba tefišo goba bobedi, go ya ka kotlo ya ka godimodimo yeo e hlalošwago ka go 25 karolo ya 53;
Go se bonwe molato wa maikarabelo
E ka ba Molekgotla Phethiši goba yo mongwe o fe goba o fe wa lekalatiro la Molekgotla Phethiši goba bašomi ba Kgoro goba motho o fe goba o fe yo a šomago ka goba yo a agilego ditlabelotirišwa tša dinamelwa, ga go yo a ka rwalago maikarabelo a tshenyo goba tahlegelo yeo e bonwego ke motho -
a ka go šomiša karolo ya tsela ya porofense mo e sego tshela ya tshepelo goba ka go šomiša tsela ya phihlelelo; goba b ka lebaka la tswalelo goba karošo ya tsela ya porofense, seporo goba tsela ya phihlelelo ka tlase ga Molao wo.
Mo tsela ya porofense ye mpsha goba seporo di beakantšwego goba di thadilwego Molekgotla Phethiši a ka se rwale maikarabelo a phokotšego ya boleng bja lefelo leo le tlago, goba le ka angwago ke tsela yeo ka go lefišwa ke mong wa lefelo leo goba motho yo mongwe o fe goba o fe ntle le ge, le go fihlela ge tsela e tsebagatšwa ka tlase ga karolo ya 4 goba lefelo goba karolo ya lona goba tokilo ka go lona e tšewa ka tlase ga karolo ya 19.
Ntle le ka mo go kgontšhitšwego ka go karolo ya 4, magato a semolao e ka se diragatšwe kgahlanong le Molekgotla Phethiši, mošomi wa Taolotshepetšo ya Porofense goba motho o fe goba o fe go tahlegelo goba tshenyego yeo e gononwago gore e hloletšwe motho yo a bitšwago mongongoregi ka go karolo yeo ka lebaka la mošomo o fe goba o fe wa tsela ya porofense, seporo goba ditlabelotirišwa tše dingwe tša dinamelwa wo go gononelwago gore o dirilwe ke Molekgotla Phethiši, mošomi wa Taolotshepetšo ya Porofense ge a diragatša mešomo ya gagwe goba motho o fe goba o fe yo a šomago legating la Molekgotla Phethiši -
a ntle le ge e beilwe mo dikgweding tše 12 morago ga gore mongongoregi a lemoge ka ga modiro woo o gononwago le tlogelo, goba ka morago ga letšatši leo mongongoregi a ka bego a šetše a lemogile ka ga modiro woo o gononwago le tlogelo, go se sengwe le se sengwe seo se ka bego se tlile pele; le b pele ga matšatši 90 morago ga tsebišo yeo e ngwetšwego ya maikemišetšo a mongongoregi a go tšea magato a semolao, ka dintlha tšeo di kgotsofatšago tša modiro wo o ngongoregelwago goba tlogelo e filwe mogononelwa goba moitšhireletši, ntle le ge mogononelwa goba moitšhireletši a ganne maikarabelo ka go ngwala.
Kgorokgolo ya Tsheko yeo e nago le matla a go bea magato a semolao, e ka re ka kgopelo go tšwa go mongongoregi, a laela gore dinyakwa di fe goba di fe tša karolwana ya 3a di diragatšwe goba di hlephišwe, goba gore ga se tshwanelo go obamela seo, go diragatša toka.
Thomotšhomo, dikontraka tša ka gare ga dikontraka tše dingwe le makalatiro
Go ya ka karolwana ya 3, Molekgotla Phethiši a ka fa mošomo, tokelo goba matla a Molao wo go Hlogo ya Kgoro goba modiredi wa Kgoro, mme a se ntšhwe go maikarabelo a mošomo woo, tokelo goba matla.
Go ya ka karolwana ya 3, matla goba mošomo wo o filwego Molekgotla Phethiši ka tlase ga Molao wo di ka diragatšwa ke dikontraka goba makalatiro legatong la Molekgotla Phethiši, mme mo hlatswadiatla e lefelwago ka lebaka la go diragatša tokelo goba matla, e tla lefelwa ke Molekgotla Phethiši yo a tlago re morago a e nyaka go mong kontraka goba lekalatiro.
Dikarolwana tša 1 le 2 di ka se diragatšwe go matla goba tokelo ya go tšea lefelo goba tokelo ka tlase ga dikarolo tša 11, 12, 13 goba 19 goba go dira melawana ka tlase ga karolo ya 54.
Mo tumelelo ya Molekgotla Phethiši e filwego ka tlase ga karolo e fe goba e fe ya Molao wo, Molekgotla Phethiši a ka dira melawana yeo e hlalošago phedišo ya tumelelo yeo morago ga nako yeo e beilwego morago ga letšatši la go e fiwa ntle le ge Molekgotla Phethiši a e telefatša ka go ngwala, fela morero woo o ka išwa gore o senkwe leswa go Molekgotla Phethiši go ya ka karolo yeo, mme melawana yeo e ka fapana go ya ka tumelelo yeo e filwego ka tlase ga dikarolo tšeo di fapanego.
Tiragatšo ya molao
Molekgotla Phethiši a ka fa mohlankedi matla wa Kgoro go tšea magato mabapi le ditlabelotirišwa tša dinamelwa , ka mokgwa le ka mabaka a mapheko ao a beilwego, ka maikamišetšo a go thibela melato e fe goba e fe yeo e hlolwago ke Molao wo goba ditlolo di fe goba di fe tša wona mo go ditlabelotirišwa.
Mohlankedi yoo a filwego matla o tla ba le matla a go swara le go golega ao a fiwago mohlankedi wa khutšo go ya ka Kgaolo ya 5 ya Molao wa Tshepetšo ya Bosenyi, 1977 Molao wa 51 wa 1977, mabapi le motho yo, ka go ditlabelotirišwa tša dinamelwa o obile molato o fe goba o fe wo o hlalošwago ka go karolwana ya 1 mo go nago le mohlankedi yo a filwego matla goba yo a gononelwago ke mohlankedi yoo, mo mabakeng ao a kwagalago, gore o obile molato woo.
Go sa kgathatšege karolwana ya 1 le 2, Molekgotla Phethiši a ka tsenela kwano le masepala yeo ka go yona masepala o fiwa matla mme o tšea go diragatša mešomo ya tatelo ya molao yeo e hlalošwago ka go karolwana ya 1 le 2 ka go ditlabelotirišwa mo lefelong la masepala, ka bašomi ba masepala bao ba thwetšwego mme ba fiwa mošomo woo ke wona.
Dikgontšhi tša nako ya phetogelo
Go sa kgathatšege se fe goba se fe seo se lego kgahlanong le Molao wo, ditsela ka moka, magora, maboto, difokotšalebelo le dihlangwa tše dingwe tšeo di agilwego go ya ka melao tšeo di sa akaretšwego go tiragatšo ya Molao wo, di tla tšewa gore di agilwe ka semolao ka tlase ga Molao wo mme di tla ba tša, goba tša laolwa ke batho bao ba beilwego ke Molao wo.
Ditsebagatšo, ditsebišo, melawana, ditumelelo, matlafatšo le dikwano tšeo di fiwago ka tlase ga molao wo o sa akaretšwago ka go tiragatšo ya Moalo wo, o tla šoma go fihlela o phumulwa. O gogelwa morago goba o fetolwa ka tlase ga Molao wo, ntle le ge go sa sepelelane le Molao wo.
Tšewo yeo e thomilwego goba magato a go bea hlatswadiatla tšeo di thomilwego pele ga karolo ye go ya ka molao wo o sa akaretšwago ka go tiragatšo ya Moalo wo, di swanetše go phethwa bjalo ka ge o kare Molao wo ga sa ka wa bewa, ge e le gore mahlakore a tla kwana go tšwela pele ka tšewo yeo goba magato go ya ka dikgontšhi tša Molao wo.
Kgopelo yeo e išitšwego gore e matlafatšwe, e kwanelwe, goba e dumelelwe go ya ka molao e swanetše go phethwa go ya ka Molao wo, mo go nyakegago.
Lefelo le fe goba le fe ka go Porofense leo le direlwago ke sehlopha mo letšatsing la tsenyotirišong ya karolo ye go ya ka dikarolo tša 54 goba 55 tša Otinense ya ya Ditsela, 1957 Otinense 22 ya 1957, le a lokollwa go tirelo yeo le kgolagano go tirelo ye ka go thaetleletiti yeo e tla tšewago gore e fedišitšwe.
Mongwadiši wa Dititi o swanetše go phumula ka go Retšisetara ya Dititi ditirelo ka moka tšeo di hlalošwago ka go karolwana ya 5.
Tsela ya phihlelelo yeo e tsebagaditšwego go ya ka karolo ya 48 ya Otinense ya ya Ditsela, 1957 Otinense 22 ya 1957 e tšewa go ba tsela ya phihlelelo yeo e tsebagaditšwego ka tlase ga Molao wo.
Phumulo ya Melao
Melao yeo e latelago e phumutšwe ka mokgwa wo o bontšhwago:
a Molao wa Papatšo ka go Ditsela le Tšweletšo ya Ripone, 1940 Molao wa 21 wa 1940, bjalo ka ge o diragatšwa go ditsela;
c Molao wa Telefatšo ya Matla a Dikomiti Phethiši le Balaoditshepetšo, 1964 Molao wa 41 wa 1964, ka moka; le d Molao wa Dikgwebo, 1991 Molao wa 71 wa 1991 go fihla mo o lego mabapi le mediro yeo e hlalošwago ke Molao wo.
Molao wo o bofa Mmušo
Thaetlele ye kopana le tiragatšo
Molao wo o bitšwa Molao wa Gauteng wa Ditlabelotirišwa tša Dinamelwa, 2001, amme o tla tsenywa tirišong ka letšatši leo le tla bewago ke Tona ka tsebišo ka go Kasete ya Porofense.
Matšatši ao a fapanego a ka nna a bewa go thomiša ka dikarolo tše dingwe tša Molao wo.
